ئىراننىڭ دۆلەت ئىگىلىكىدىكى IRNA خەۋەر ئاگېنتلىقىنىڭ خەۋەر قىلىشىچە، تاشقى ئىشلار مىنىستىرلىقىنىڭ باياناتچىسى ئىسمائىل بەقائىي ئومان تاشقى ئىشلار مىنىستىرى بەدر ئەلبۇسەئىدىنىڭ 25-ئاۋغۇست تېھرانغا كېلىدىغانلىقىنى ئېلان قىلدى.
بەقائىي ئەلبۇسەئىدىنىڭ زىيارەت جەريانىدا ئىران تاشقى ئىشلار مىنىستىرى ئابباس ئاراقچى بىلەن كۆرۈشۈپ، ئىككى تەرەپ مۇناسىۋىتى ۋە رايون خاراكتېرلىك ئۆزگىرىشلەرنى مۇزاكىرە قىلىدىغانلىقىنى بىلدۈردى.
ئۇنىڭ ئېيتىشىچە، بۇ زىيارەت ئىران بىلەن ئومان ئوتتۇرىسىدىكى ھەمكارلىقنى كۈچەيتىش ۋە ئىككى دۆلەت ئارىسىدا داۋاملىشىۋاتقان سىياسىي كېڭىشىشنى ئىلگىرى سۈرۈش دائىرىسىدە ئېلىپ بېرىلىدۇ.
ھورمۇز بوغۇزىغا تۇتىشىدىغان ئىران بىلەن ئومان زىيارەت جەريانىدا رايوننىڭ تىنچلىقى ۋە بىخەتەرلىكىنى كۈچەيتىشكە مۇناسىۋەتلىك پىكىر ئالماشتۇرىدۇ.
ئەلبۇسەئىدىنىڭ تېھران زىيارىتى ئىككى دۆلەت ئوتتۇرىسىدا ھورمۇز بوغۇزىغا مۇناسىۋەتلىك سۆھبەتلەر داۋاملىشىۋاتقان بىر مەزگىلگە توغرا كەلگەنلىكى سەۋەبىدىن مۇھىم ئەھمىيەتكە ئىگە.
