ئىران ئىسلام ئىنقىلابى مۇھاپىزەتچىلەر قوشۇنى قۇددۇس قىسىملىرىنىڭ قوماندانى گېنېرال ئىسمائىل كانى، ھورمۇز بوغۇزىدىن باب ئەل-مەندەبگىچە، پارىس قولتۇقىدىن قىزىل دېڭىزغىچە سوزۇلغان لىنىيەنىڭ «قارشىلىق كۆرسىتىش سېپى» نىڭ يېڭى بىخەتەرلىك بەلبېغى بولىدىغانلىقىنى ئېيتتى.

كانى ئىجتىمائىي تاراتقۇ ھېسابىدا ئېلان قىلغان باياناتىدا، ئامېرىكا ۋە ئىسرائىلىيەنىڭ رايوندىكى تاجاۋۇزچىلىق ھۇجۇملىرىغا «قارشىلىق كۆرسىتىش سېپى» نىڭ ئورتاق شەكىلدە قايتۇرما جاۋاب بېرىدىغانلىقىنى بىلدۈردى.

يەمەندىكى خۇسىيلارنىڭ ئىسرائىلىيەگە قاراتقان ئەڭ ئاخىرقى ھۇجۇملىرىنىڭ ۋاقىت تاللىشىنى ئالاھىدە ئەسكەرتكەن كانى: «ھورمۇز بوغۇزىدىن باب ئەل-مەندەبگىچە، پارىس قولتۇقىدىن قىزىل دېڭىزغىچە سوزۇلغان لىنىيە، قارشىلىق كۆرسىتىش ھەرىكىتىنىڭ يېڭى بىخەتەرلىك بەلبېغى بولىدۇ» ئدېگەن سۆزلەرنى ئىشلەتتى.

كانى يەنە، ئامېرىكا ۋە ئىسرائىلىيە ئۆز ھۇجۇملىرىنى ئۈزلۈكسىز داۋاملاشتۇرغان تەقدىردە، مەزكۇر ئىستراتېگىيەلىك دېڭىز ئۆتكەللىرىنىڭ «قارشىلىق كۆرسىتىش كۈچلىرى» تەرىپىدىن پۈتۈنلەي تاقىۋېتىلىدىغانلىقىنى سۆزىگە ئىلاۋە قىلدى.