ئامېرىكا ھۆكۈمىتىنىڭ يۇقىرى دەرىجىلىك ئەمەلدارلىرىنىڭ ئىران بىلەن بولغان ئۇرۇشتا تاشلىنىدىغان قەدەملەرنى ۋە يەمەندىكى ھۇسىيلار بىلەن سەئۇدى ئەرەبىستان ئوتتۇرىسىدىكى ئۇرۇشقا ئالاقىدار مەسىلىلەرنى مۇزاكىرە قىلىش ئۈچۈن پىرېزىدېنت ترامپنىڭ كامپ داۋىدتىكى تۇرالغۇسىدا يىغىن ئاچقانلىقى ئىلگىرى سۈرۈلدى.
Axios تور بېتىنىڭ خەۋىرىگە قارىغاندا، ئامېرىكالىق يۇقىرى دەرىجىلىك ئۈچ ئەمەلدار دونالد ترامپنىڭ كامپ داۋىدتىكى تۇرالغۇسىدا بىر يەرگە جەم بولغان. مەزكۇر يىغىنغا ئامېرىكا مۇئاۋىن پىرېزىدېنتى جەي دى ۋانس رىياسەتچىلىك قىلغان.
يىغىنغا ئامېرىكا تاشقى ئىشلار مىنىستىرى ماركو رۇبىيو، دۆلەت مۇداپىئە مىنىستىرى پىت خېگسېس، ترامپنىڭ ئوتتۇرا شەرق ئالاھىدە ۋەكىلى ستېۋ ۋىتكوف، ئامېرىكا مەركىزىي ئىستىخبارات ئىدارىسى (CIA) نىڭ باشلىقىنى جون راتكلىف ۋە ئامېرىكا باش ئىشتاب باشلىقى دان كاين قاتناشقان. ئەمەلدارلارنىڭ بىرى بۇ يىغىندا نۇرغۇن مەسىلىلەرنىڭ «چوڭقۇر» مۇزاكىرە قىلىنغانلىقىنى بىلدۈرگەن.
