تاشقى ئىشلار مىنىستىرى ھاقان فىدان، ھاماس سىياسىي بىيورۇسى رەئىسلىكىگە سايلانغان خەلىل ئەلھەييە (Halil el-Hayye) ۋە ئۇنىڭ ھەمراقلىقىدىكى ھەيئەتنىڭ زىيارىتىنى قوبۇل قىلدى.

تاشقى ئىشلار مىنىستىرلىقى مەنبەلىرىدىن ئىگىلەنگەن ئۇچۇرغا ئاساسلانغاندا فىدان، ھەييەنىڭ يېڭى ۋەزىپىسىنى تەبرىكلىگەن ۋە  ۋەزىپىسىدە ئۇتۇقلار تىلىگەن. ھەييە بولسا غەززە ۋە غەربىي قىرغاقتىكى ۋەزىيەت ھەققىدە مەلۇمات بەرگەن، ئىسرائىلىيە باش مىنىستىرى بىنيامىن نېتانياھۇ ھۆكۈمىتىنىڭ قانۇنسىز كۆچمەنلىك پائالىيەتلىرىنى ۋە قۇددۇستىكى مۇقەددەس جايلارغا قاراتقان ھۇجۇملىرىنى ئاشۇرغانلىقى تەرەپكە دىققەتلەرنى تارتقان.

ھاماسنىڭ، تىنچلىق مۇزاكىرىلىرىدە ئىجابىي مەيداندا تۇرۇشنى ئىزچىل داۋاملاشتۇرۇۋاتقانلىقىنى ئىپادىلىگەن ھەييە، پەلەستىنلىكلەر ئوتتۇرىسىدىكى يارىشىش مۇساپىسى ھەققىدىمۇ مەلۇمات بەرگەن.

مىنىستىر فىدانمۇ تۈركىيەنىڭ پەلەستىنلىكلەرنىڭ ھەقلىق كۈرىشىنى ھەر ساھەدە ۋە ھەر مۇنبەردە ئەڭ كۈچلۈك شەكىلدە قوللايدىغانلىقىنى تەكرارلىغان.

فىدان تۈركىيەنىڭ، نېتانياھۇ ھۆكۈمىتىنىڭ غەززەدە ۋە غەربىي قىرغاقتا سادىر قىلغان جىنايەتلىرىنى ۋە مۇقەددەس ئورۇنلارغا قارىتىلغان ھۇجۇملىرىنى خەلقئارا جەمئىيەتنىڭ كۈن تەرتىپىدە تۇتۇپ تۇرۇشنى ئىشقا ئاشۇرغانلىقىنى ھەمدە غەززەگە تېخىمۇ كۆپ ئىنسانپەرۋەرلىك ياردەم يەتكۈزۈلۈشى ئۈچۈن بارلىق تىرىشچانلىقلارنى كۆرسىتىشنى داۋاملاشتۇرىدىغانلىقىنى تەكىتلىگەن.

مىنىستىر فىدان، تۈركىيەنىڭ غەززە تىنچلىق مۇساپىسىنى قوللاشنى ئىزچىل داۋاملاشتۇرىدىغانلىقىنى، بۇ مۇساپىدە ھاماسنىڭ ئوينىغان رولىنى مەدھىيەلەش بىلەن قارشى ئالىدىغانلىقى بىلدۈرگەن.

سۆھبەتتە، باشقا رايونلۇق مەسىلىلەرمۇ مۇھاكىمە قىلىنغان.