ئىران ئىنقىلابىي مۇھاپىزەتچىلەر قىسمى دېڭىز ئارمىيەسى تەرىپىدىن ئېلان قىلىنغان يازما باياناتتا، توگو بايرىقى قادالغان «Trend» ناملىق نېفىت پاراخوتىنىڭ تۈنۈگۈن ئامېرىكا ئارمىيەسىنىڭ «قۇتراتقۇلۇقى» ۋە «ئالدىشى» بىلەن ھورمۇز بوغۇزىدىن «قانۇنسىز» شەكىلدە ئۆتمەكچى بولغاندا نىشان قىلىنغانلىقى ئەسكەرتىلدى.
باياناتتا پاراخوتنىڭ ئوققا تۇتۇپ توختىتىلغانلىقى ۋە پاراخوتتا ئوت ئاپىتى يۈز بەرگەنلىكى قەيت قىلىندى. ئىران تەرەپ بوغۇزدىن رۇخسەتسىز ئۆتمەكچى بولغان ھەرقانداق پاراخوتنىڭ «بىر تەرەپ قىلىنىدىغانلىقى» ھەققىدە ئاگاھلاندۇرۇش بەردى.
ئىران ئامېرىكا قوشما ئىشتاتلىرى ۋە ئىسرائىلىيەنىڭ 28-فېۋرالدىكى ھۇجۇملىرىدىن كېيىن باشلانغان ئۇرۇشتا ھورمۇز بوغۇزىدىن ئۆتۈشنى توختاتقان ۋە رۇخسەتسىز ئۆتمەكچى بولغان پاراخوتلارنى نىشان قىلىشقا باشلىغان ئىدى. گەرچە 17-ئىيۇندا ئىران بىلەن ئامېرىكا ئوتتۇرىسىدا ھاسىل قىلىنغان كېلىشىم لايىھەسىدىن كېيىن ئۆتۈشكە رۇخسەت قىلىنغان بولسىمۇ، ئەمما ئىران كېلىشىمنىڭ ئىجرا قىلىنىشىدىكى ئىختىلاپلار سەۋەبىدىن 12-ئىيۇلدا بوغۇزنى قايتىدىن قاتناشقا تاقىغان ئىدى.
