ئىران رەسمىي خەۋەر ئاگېنتلىقى IRNA نىڭ خەۋىرىگە ئاساسلانغاندا، پايتەخت تېھراندا ئۆتكۈزۈلگەن دۆلەتلىك ئائىلە دوختۇرلىرى پىلانى مۇراسىمىدا سۆز قىلغان پەزەشكىيان ئامېرىكا بىلەن داۋاملىشىۋاتقان توقۇنۇشلار ھەققىدە توختالغان.
ئامېرىكانىڭ ئىرانغا قاراتقان ھۇجۇملىرى ھەققىدە توختالغان پەزەشكىيان: «زېمىن پۈتۈنلۈكىمىزنى بارلىق كۈچىمىز بىلەن قوغدايمىز، لېكىن ئۇرۇشنى كېڭەيتىش ياكى ئۇرۇشنى داۋاملاشتۇرۇش ئارزۇيىمىز يوق» دېگەن.
دۆلەتتىكى ساقلىقنى ساقلاش سىستېمىسىنى تەرەققىي قىلدۇرۇشنىڭ مۇھىملىقىنىمۇ تەكىتلىگەن پەزەشكىيان مۇنداق دېگەن: «ئەتراپلىق ساقلىقنى ساقلاش سىستېمىسىغا ئىگە بىر جەمئىيەت زىيان ۋە تەھدىتلەرگە تېخىمۇ كۈچلۈك تاقابىل تۇرالايدۇ؛ ساقلىقنى ساقلاش ساھەسىدە ئادالەتنى كاپالەتلەندۈرۈش دۆلەتنى ئۈنۈملۈك باشقۇرۇش ۋە سىجىل تەرەققىياتنىڭ ئەڭ مۇھىم شەرتلىرىدىن بىرىدۇر.»
