31-ماي 2025-يىلىدىن 30-ماي 2026-يىلىغىچە بولغان مەزگىلدە ئەنقەرە، توكات ۋە مەرسىندە يۈرگۈزۈلگەن تۈر دائىرىسىدە، 13 ياشتىن 30 ياشقىچە بولغان ياشلار، ئوقۇتقۇچىلار، تەربىيەلىگۈچىلەر ۋە ساھە مۇتەخەسسىسلىرى بىر يەرگە جەم بولدى.
تۈرك دۇنياسىنىڭ ئورتاق مەدەنىيەت مىراسىنى ياش ئەۋلادلارغا يەتكۈزۈشنى نىشانلىغان تۈر رامكىسىدا جەمئىي سەككىز پائالىيەت (ياشلار سۆھبەت مۇنبىرى ۋە ياشلار قاتنىشىشلىرى) ئەمەلگە ئاشۇرۇلدى.
پائالىيەتلەردە ياشلار، تۈرك دۇنياسىدا ئىشلىتىلىدىغان نەقىش ۋە نۇسخىلارنىڭ مەنىلىرىنى تونۇش پۇرسىتىگە ئېرىشتى.
تەقدى قىلىش، ئورۇنلاشتۇرۇش خىزمەتلىرى، بىلىم مۇسابىقىلىرى ۋە مەيدان تەتقىقاتلىرى بىلەن بېيىتىلغان پىروگراممىلار سايىسىدە قاتناشقۇچىلار ھەم مەدەنىيەت مىراسىغا ئالاقىدار تونۇشقا ئېرىشتى، ھەم ئېراسمۇس+ ياشلار تۈرلىرى سۇنغان ئىمكانىيەتلەر توغرىسىدا مەلۇماتلىق بولدى.
تۈر رامكىسىدا ئېلىپ بېرىلغان مەيدان خىزمەتلىرىدە 199 كىشىگە تۈرك دۇنياسىدىكى نەقىشلەرنى تونۇيدىغان-تونۇمايدىغانلىقى سورىلىپ، بۇ ساھەدىكى چۈشىنىش سەۋىيەسى ئۆلچەندى.
ئورۇنلاشتۇرۇلغان سەككىز سۆھبەت مۇنبىرى ۋە پائالىيەتكە جەمئىي 250 ياش قاتناشتى. قاتناشقۇچى ياشلار؛ تۈرك تىلى ئىدارىسى، غازى ئۇنىۋېرسىتېتى، مەرسىن ۋالىي مەھكىمىسى ۋە توكات ۋالىي مەھكىمىسىنىڭ ساھە مۇتەخەسسىسلىرى بىلەن بىر يەرگە جەم بولۇپ، نەقىشلەرنىڭ تارىخى، مەدەنىيەتلىك ۋە سىمۋوللۇق مەنىلىرى ئۈستىدە ئەتراپلىق مەلۇماتلارغا ئېرىشتى.
تۈرك دۇنياسىنىڭ ئورتاق مىراسىغا ئىگە چىقىش ئېڭىنى ئاشۇرۇش مەقسەت قىلىنماقتا
تۈرنىڭ ئەڭ مۇھىم نەتىجىلىرىدىن بىرى، تۈرك دۇنياسىدا كەڭ تارقالغان نەقىشلەرنىڭ يىغىلىشى ۋە بۇ نەقىشلەرگە ئالاقىدار ئەتراپلىق بىر قوللانمىنىڭ تەييارلىنىشى بولدى. بۇنىڭدىن سىرت نەقىشلەرنىڭ مەدەنىيەت مىراسى ئىچىدىكى ئورنىنى، قوغداش ۋە كەلگۈسى ئەۋلادلارغا يەتكۈزۈلۈشىنى تېما قىلغان بىر سىياسەت ھۆججىتى تەييارلاندى. بۇ ھۆججەت، تۈرك مەدەنىيىتىنىڭ بايلىقى ۋە كۆپ خىللىقىنى ئوتتۇرىغا چىقىرىش بىلەن بىرگە ياشلارنىڭ مەدەنىيەت كىملىكىنى كۈچەيتىشنى ۋە تۈرك دۇنياسىدىكى ئورتاق مىراسقا ئىگە چىقىش ئېڭىنى ئاشۇرۇشنى مەقسەت قىلىدۇ.
تۈر جەريانىدا ياش قاتناشقۇچىلار پەقەت ئۇچۇرغا ئېرىشىپلا قالمىدى؛ ئوخشاش ۋاقىتتا ئىشلەپچىقىرىش رولىنى ئۈستىگە ئېلىپ ئۆز كىتابلىرىنى تەييارلىدى. بۇنداق بولغاندا ئېراسمۇس+ كۇتۇپخانىسىغا ئۈچ يېڭى كىتاب قوشۇلدى. تۈرگە قاتناشقان بارلىق ياشلار ياۋروپا كومىسسىيەسى تەرىپىدىن بېرىلىدىغان «Youthpass» گۇۋاھنامىسىنى ئېلىش ھوقۇقىغا ئېرىشتى.
تۈرگە ئالاقىدار پۈتۈن ئۇچۇر ۋە نەتىجىلەر، https://dildenmotife.projesi.org/ ئادرېسىدا ئېلان قىلىنىپ، ھەقسىز پايدىلىنىشقا ئېچىۋېتىلدى.
تۈرنىڭ يېپىلىش يىغىنىدا تۈر ماسلاشتۇرغۇچىسى پىروفېسسور، دوكتور ھارۇن شاھىن، بۇ ئەھمىيەتلىك تۈرنىڭ ھاياتقا ئېرىشىشىدە كۈچلۈك ئورگانلىق تەسەۋۋۇرى ۋە قوللاشلىرى بىلەن مۇھىم تۆھپىلەرنى قوشقان تۈرك تىى ئىدارىسى رەئىسى پىروفېسسور دوكتور ئوسمان مەرتكە؛ تۈرك مەدەنىيىتى، تىلى ۋە تارىخىنىڭ ياشىتىلىشى يۆنىلىشىدىكى پائالىيەتلەرگە بەرگەن قىممەتلىك مەدەەتلىرى سەۋەبىدىن ئاتاتۈرك مەدەنىيەت، تىل ۋە تارىخ يۇقىرى ئورگىنى رەئىسى پىروفېسسور دوكتور دەريا ئۆرسكە ھەمدە ياشلارنىڭ مەدەنىيەتلىك، جەمئىيەتلىك ۋە ئاكادېمىيەلىك تەرەققىياتىغا چۆڭ ئىمكانىيەتلەر يارىتىپ بەرگەن تۈركىيە مىللىي ئاگېنتلىقى رەئىسى ئىلكەر ئاستارجى بىلەن تۈركىيە مىللىي ئاگېنتلىقىنىڭ قىممەتلىك خادىملىرىغا رەھمەت ئېيتتى.
«تۈرك دۇنياسىدا بىرلىك ۋە مەدەنىيەت كۆۋرۈكلىرى: نەقىش» لاەيىھەسى، تۈرك دۇنياسىنىڭ ئورتاق مەدەنىيەت ئەسلىمىسىنى ياشلار بىلەن ئۇچراشتۇرۇپ تىل، سەنئەت، نەقىش ۋە كىملىك ئوتتۇرىسىدا كۈچلۈك بىر كۆۋرۈك قۇردى. بۇ لەيىھە ياشلارنىڭ تۈرك دۇنياسىنىڭ مەدەنىيەت مىراسىنى تونۇشى، ئىگە چىقىشى ۋە كەلگۈسىگە توشۇشى نۇقتىسىدىن مۇھىم نەتىجىلەرنى سۇنماقتا.
