جۇمھۇر رەئىس رەجەپ تاييىپ ئەردوغان ھىندونېزىيە پىرېزىدېنتى پىرابوۋو سۇبيانتو بىلەن تېلېفوندا كۆرۈشتى.

تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر - ئالاقە ئىشلىرى ئىدارىسىنىڭ ئېلان قىلغان باياناتىغا ئاساسلانغاندا، كۆرۈشۈشتە تۈركىيە بىلەن ھىندونېزىيە ئوتتۇرىسىدىكى مۇناسىۋەتلەر، شۇنداقلا رايونلۇق ۋە خەلقئارالىق مەسىلىلەر مۇزاكىرە قىلىنغان.

جۇمھۇر رەئىس ئەردوغان كۆرۈشۈشتە، ئىككى دۆلەتنىڭ خەلقئارالىق سورۇنلاردىكى ھەمكارلىقىدىن سۆيۈنگەنلىكىنى، بۇنى داۋاملاشتۇرۇشنىڭ تۈركىيە بىلەن ھىندونېزىيەگە مەنپەئەت ئېلىپ كېلىدىغانلىقىنى بىلدۈرگەن.

ئىككى دۆلەت ئوتتۇرىسىدا سودا ۋە دۆلەت مۇداپىئە سانائىتى ساھەلىرىنى ئاساس قىلغان نۇرغۇن تېمىلاردا ھەمكارلىقنى تەرەققىي قىلدۇرۇشنىڭ مۇھىملىقىنى تەكىتلىگەن ئەردوغان، بۇ يۆنىلىشتە قەدەم تاشلاشنى داۋاملاشتۇرىدىغانلىقلىرىنى ئەسكەرتكەن.

جۇمھۇر رەئىس ئەردوغان سۇبيانتونى 9-نويابىردىن 20-نويابىرغىچە ئانتاليادا ئۆتكۈزۈلىدىغان «بىرلەشكەن دۆلەتلەر تەشكىلاتى كىلىمات ئۆزگىرىشى رامكا ئەھدىنامىسى» نى تۈزگۈچى تەرەپلەرنىڭ 31- نۆۋەتلىك يىغىنىغا (COP31) تەكلىپ قىلغان.