خەلقئارا
2 مىنۇت ئوقۇش
بېلەت تاشلاش باشلاندى: نەتىجە ترامپنىڭ قالغان ئىككى يىللىق ۋەزىپە مۇددىتىگە تەسىر كۆرسىتىدۇ
ئامېرىكالىق سايلىغۇچىلار تۇرمۇش خىراجىتى ۋە پۇل پاخاللىقى ئۆرلەۋاتقان، شۇنداقلا ئىران بىلەن بولغان ئۇرۇش داۋاملىشىۋاتقان ھازىرقىدەك مۇرەككەپ ۋەزىيەتتە، دۆلەت مەجلىسىنىڭ كونتروللۇقىنىڭ قايسى پارتىيەگە ئۆتىدىغانلىقىنى بەلگىلەش ئۈچۈن بېلەت تاشلىماقتا.
بېلەت تاشلاش باشلاندى: نەتىجە ترامپنىڭ قالغان ئىككى يىللىق ۋەزىپە مۇددىتىگە تەسىر كۆرسىتىدۇ
US-POLITICS-ELECTION

ئامېرىكادا 2026-يىللىق ئوتتۇرا مەزگىللىك سايلامنىڭ بېلەت تاشلاش باسقۇچى رەسمىي باشلاندى. پىرېزىدېنت دونالد ترامپنىڭ ئىككىنچى نۆۋەتلىك ۋەزىپە مۇددىتىنىڭ دەل ئوتتۇرىسىغا توغرا كەلگەن بۇ قېتىمقى سايلام دۆلەت مەجلىسىدىكى كۈچ سېلىشتۇرمىسىنى تۈپتىن ئۆزگەرتىۋېتىشى مۇمكىن. سايلام نەتىجىسى جۇمھۇرىيەتچىلەر پارتىيەسى ئۈچۈنمۇ، شۇنداقلا ئاقساراينىڭ كەلگۈسى ئىككى يىلدا يۈرگۈزىدىغان سىياسەتلىرى ئۈچۈنمۇ ئىنتايىن مۇھىم بىر سىناق ھېسابلىنىدۇ.

ئىقتىساد ۋە ئىران ئۇرۇشى — سايلىغۇچىلارنىڭ ئەڭ چوڭ قايغۇسى

بۇ قېتىم سايلىغۇچىلارنىڭ قارارىغا ئەڭ زور تەسىر كۆرسىتىۋاتقان ئامىل — تۇرمۇش خىراجىتىنىڭ ئۈزلۈكسىز ئېشىشى بولۇۋاتىدۇ. ترامپ ھۆكۈمىتىنىڭ تاموژنا بېجىنى ئۆستۈرۈشى ۋە ئىران بىلەن بولغان ھەربىي توقۇنۇش سەۋەبىدىن يېمەكلىك ۋە يېقىلغۇ باھاسىنىڭ ئۆرلەپ كېتىشى خەلقنىڭ كۈچلۈك نارازىلىقىنى قوزغىدى. سايلامدىن بۇرۇن ھەر گالونى 3.75 دوللار بولغان دىزېل يېقىلغۇسىنىڭ باھاسى سېنتەبىر ئېيىغا كەلگەندە 6.52 دوللارغا چىقىپ، تارىختىكى ئەڭ يۇقىرى چەككە يەتتى. پۇل پاخاللىقى نىسبىتىمۇ ترامپ دەسلەپ ۋەزىپىگە ئولتۇرغاندىكى %3 تىن %3.7 كە ئۆرلىدى.

جۇمھۇرىيەتچىلەر ئەنئەنىۋى تايانچ ئىشتاتلىرىدىمۇ كەسكىن رىقابەتكە دۇچ كەلمەكتە

پىرېزىدېنت ترامپنىڭ قوللاش نىسبىتى نۆۋەتتە %38 ئەتراپىغا چۈشۈپ قالدى. ئۇ يېقىنقى ھەپتىلەردە ئۆز پارتىيەسىدىن چىققان نامزاتلارنى قوللاش ئۈچۈن توختىماي سايلام يىغىلىشلىرى ئۆتكۈزدى. بىراق، ئىقتىسادىي بېسىمنىڭ ئېشىشىغا ئەگىشىپ، كانزاس، ئىئوۋا ۋە تېكساسقا ئوخشاش جۇمھۇرىيەتچىلەر ئەزەلدىن ئۈستۈنلۈكنى ئىگىلەپ كەلگەن ئىشتاتلاردىمۇ ئىككى پارتىيە نامزاتلىرىنىڭ قوللاش نىسبىتى تەڭلىشىپ قالدى.

ترامپ سايلام يىغىلىشلىرىدا ئۆز قوللىغۇچىلىرىنى بېلەت تاشلاشقا كۈچلۈك چاقىرىق قىلىپ: «بۇ قېتىمقى سايلامدا سىلەردىن شۇنى ئۆتۈنىمەنكى، بېلەت قەغىزىدە مېنىڭ ئىسمىم باردەك بېلەت تاشلاڭلار» دېدى.

ئاۋام ۋە كېڭەش پالاتاسىنىڭ كونتروللۇق مەسىلىسى

ئومۇمىي خەلق راي سىناش نەتىجىلىرىگە قارىغاندا، خەلقنىڭ ئىقتىسادىي ۋەزىيەتتىن نارازى بولۇشى دېموكراتلار پارتىيەسىگە پايدىلىق ۋەزىيەت يارىتىپ بېرىۋاتقان بولۇپ، ئاۋام پالاتاسىدىكى كۆپ سانلىق ئورۇننىڭ دېموكراتلارنىڭ قولىغا ئۆتۈپ كېتىش ئېھتىماللىقى بار ئىكەن. شۇنداق بولسىمۇ، دېموكراتلار پارتىيەسىگە ئىجابىي قارايدىغان سايلىغۇچىلارنىڭ نىسبىتى پەقەت %29 ئەتراپىدا بولغاچقا، ئۆز پارتىيەسىدىن ئۈمىدسىزلەنگەن جۇمھۇرىيەتچى سايلىغۇچىلارنىڭ دېموكراتلارغا بېلەت تاشلايدىغان ياكى تاشلىمايدىغانلىقى تېخىچە ئېنىق ئەمەس.

بۇ قېتىمقى سايلامدا كېڭەش پالاتاسىدىكى جەمئىي 35 ئورۇن ئۈچۈن سايلىغۇچىلار بېلەت تاشلايدۇ. دېموكراتلار كېڭەش پالاتاسىدا كۆپ سانلىقنى ئىگىلەش ئۈچۈن ھازىرقىدىن كەم دېگەندە تۆت ئورۇننى ئارتۇق قولغا كەلتۈرۈشى كېرەك. مىچىگان، تېكساس، ئوخايو، ئىئوۋا، مېين، ئالياسكا ۋە شىمالىي كارولىنا قاتارلىق ئىشتاتلار سايلام نەتىجىسىنى بەلگىلەشتە ھەل قىلغۇچ رول ئوينايدۇ، دەپ قارالماقتا.

ئەگەر دېموكراتلار ئاۋام پالاتاسىنىڭ كونتروللۇقىنى قولغا كىرگۈزسە، پىرېزىدېنت ترامپنىڭ كەلگۈسىدىكى قانۇن چىقىرىش پىلانلىرىنىڭ جىددىي توسالغۇغا ئۇچرىشى، شۇنداقلا ھۆكۈمەت كابىنېت ئەزالىرىنى ۋەزىپىسىدىن قالدۇرۇش توغرىسىدا تەكشۈرۈشلەرنىڭ قوزغىلىشى مۆلچەرلەنمەكتە.

ئىزدىنىڭ
كۈندىلىك قىسقا خەۋەرلەر | 17.11.2026
كۈندىلىك قىسقا خەۋەرلەر 16 - نويابىر دۈشەنبە
تۈركىيە پەلەستىن دۆلىتى قۇرۇلغانلىقىنىڭ 38 - يىللىقىنى تەبرىكلىدى
ئىران فىرانسىيەنى ئىسرائىلىيەنىڭ «ساختا بايراق» (سۇيىقەست) تۇزىقىغا چۈشۈپ قالماسلىققا چاقىرىدى
ئامېرىكا خەزىنە مىنىستىرى جېنسېن خۇاڭ جاسۇسلۇق سەتچىلىكى مەسىلىسىدە سودا مىنىستىرلىقىنى تەنقىد قىلدى
ئېيسېنكات نېتانياھۇنى بىرلىكتە ھۆكۈمەت قۇرۇش چاقىرىقى ئارقىلىق «ھىيلە ئىشلىتىش» بىلەن ئەيىبلىدى
غەززەدە ئومۇمىي قازا قىلغانلار سانى 74 مىڭ 695 كە يەتتى
ئامېرىكا ئەمەلدارلىرىنىڭ بىخەتەرلىك تەدبىرلىرى كۈچەيتىگەنلىكى ئىلگىرى سۈرۈلمەكتە
پۇتىن، شى جىنپىڭ ۋە تىرامپ 19-نويابىردا شېنجېندا ئۈچ تەرەپلىك ئۇچرىشىش ئۆتكۈزىدۇ
تۈركىيە بىلەن قاتار رەھبەرلىرىنىڭ ئىستانبۇلدىكى ئۇچرىشىشىدا تارىخىي مۇداپىئە كېلىشىمى ئىمزالىدى
رۇسىيە ياۋروپانىڭ ئۇكرائىنا سۆھبىتىگە قاتنىشىشىنى «سەمىمىي بولۇش» شەرتىگە باغلىدى
مىكروسوفت يەر شارى خاراكتېرلىك تېخنىكىلىق كاشىلا سەۋەبىدىن ئەپۇ سورىدى
ئەردوغان COP31 يىغىنىدا سەككىز دۆلەت رەھبىرى بىلەن كۆرۈشتى
گېرمانىيە ئۇكرائىناغا 200 مىليون ياۋرو قىشلىق ياردەم بېرىدۇ
رۇسىيەنىڭ ۋولگوگراد شەھىرىدە  يۈز بەرگەن ئۇچقۇچىسىز ھاۋا ئاپپاراتى ھۇجۇمىدا 4 كىشى ئۆلدى