لىبېراللار ترامپنىڭ كانادا توغرىسىدىكى تالاش-تارتىشلىق سۆزلىرى سايلامغا تەسىر يەتكۈزگىچە مەغلۇبىيەتكە قاراپ ماڭغان ئىدى.كانادا خەلقى سايلامدا ھازىرقى لىبېراللارغا يەنە تۆت يىل پۇرسەت بېرىپ، باش مىنىستىر مارك كارنېينىڭ ئامېرىكا پىرېزىدېنتى دونالد ترامپنىڭ تاموژنا بېجى ۋە كانادانى قوشۇۋېلىش خىيالىغا قارشى تۇرۇش ئىقتىدارىغا بولغان ئىشەنچىنى بىلدۈردى.كارنىي كانادا خەلقىگە ئۆزىنىڭ پۇل-مۇئامىلە ساھەسىدە كانادا مەركىزىي بانكاسى ۋە ئەنگلىيە مەركىزىي بانكاسىنىڭ باشلىقى بولغانلىقىدەك ئارقا كۆرۈنۈشىدىن پايدىلىنىپ، ئالدىن مۆلچەرلىگىلى بولمايدىغان تاموژنا بېجى ۋە ترامپ بىلەن تۈزۈلىدىغان يېڭى سودا كېلىشىمى قاتارلىق مەسىلىلەردە، دۆلەتنى ياخشى باشقۇرۇپ، ئىقتىسادنى مۇقىم يېتەكلىيەلەيدىغانلىقىنى بىلدۈردى.كونسېرۋاتېپلار پارتىيەسىنىڭ رەھبىرى پىيېر پويلىيېۋرە (Pierre Poilievre) باش مىنىستىر جاستىن ترۇدونىڭ 10 يىللىق «ئاستا ئىلگىرىلىگەن» لىبېراللارغا قارشى «ئۆزگىرىش ۋەدىسى» بىلەن سايلامغا قاتناشتى، لېكىن غەلىبە قىلالمىدى.كانادالىقلار پويلىيېۋرەنىڭ ۋەدىلىرىنى رەت قىلدى. بۇ ئۇنىڭ ئۈچۈن قاتتىق مەغلۇبىيەت بولدى، چۈنكى ئۇ بىر نەچچە ئاي داۋامىدا ئېلىپ بېرىلغان ئەلرايى تەكشۈرۈشىدە لىبېراللارنىڭ ئالدىدا تۇرغانىدى.ئارىدىن ئۇزۇن ئۆتمەي خەلق تەرىپىدىن ئانچە ياخشى كۆرۈلمەيدىغان جاستىن ترۇدونىڭ ئىستېپا بېرىشى ۋە سىياسەتكە يېڭى قەدەم تاشلىغان كارنېينىڭ پارتىيە رەھبەرلىكىگە كېلىشى بىلەن ۋەزىيەت ئۆزگەردى.لىبېراللار ئەلرايى تەكشۈرۈشىدە تېز سۈرئەتتە ئالدىغا ئۆتۈپ، كونسېرۋاتىپلارنى ئارقىدا قالدۇردى ۋە 27-ئاپرېلدىكى ئاخىرقى ئەلرايى تەكشۈرۈشىدە %4 ئالدىغا ئۆتتى.قانداق ھۆكۈمەت قۇرۇلىدىغانلىقى ھازىرچە مۇجىمەلكادادا خەلقى كارنېينىڭ ترامىپقا قارشى تۇرۇشتا ۋەزىيەتنى مۇقىم باشقۇرالايدىغانلىقى توغرىسىدا ئېيتقانلىرىغا ئىشەندى. لېكىن ئۇ ھېچقاچان سىياسەتتە بولۇپ باقمىغان، بولۇپمۇ يۇقىرى ۋەزىپىلەردە.سايلام ئىككى پارتىيەنىڭ رىقابىتىگە ئايلاندى. جاگمىت سىنگ (Jagmeet Sing) رەھبەرلىكىدىكى يېڭى دېموكراتىك پارتىيە ھېچقاچان رىقابەتچى بولالمىدى.كانادا پارلامېنتىدا 343 ئورۇن بار بولۇپ، ھاكىمىيەت بېشىغا كېلىش ئۈچۈن 172 ئورۇن كېرەك.كانادا جۇغراپىيەلىك جەھەتتىن بەك چوڭ بولغاچقا، ئالتە ۋاقىت رايونى بار. سايلام ئاۋازلىرى ھېلىھەم سانالماقتا، شۇڭا كارنېينىڭ بىرلەشمە ھۆكۈمەت ياكى ئۆز ئالدىغا ھۆكۈمەت قۇرىدىغانلىقى تېخى ئېنىق ئەمەس.
