ئامېرىكا قوشما ئىشتاتلىرى پىرېزىدېنتى دونالد ترامپ، رۇسىيە بىلەن ئۇكرائىنا ئوتتۇرىسىدىكى ئۇرۇش ھەل قىلىنمىغان ئەھۋالدا، ئۇكرائىناغا توماھاۋك قوزغىما باشقۇرۇلىدىغان بومبىلىرىنى ئەۋەتىدىغانلىقىنى ئېيتتى.
ترامپ، يەكشەنبە كۈنى ئىسرائىلىيە ۋە مىسىرغا، غەززە ئۇرۇش توختىتىشقا ئالاقىدار شارم ئەل-شەيخ باشلىقلار يىغىنىغا قاتنىشىش ئۈچۈن رايون دۆلەتلىرىگە كېتىۋاتقاندا، ئايروپىلانى «Air Force One» دا مۇخبىرلارغا بەرگەن باياناتىدا، ئۇكرائىنانىڭ «توماھاۋكلارغا ئىگە بولۇشنى خالايدىغانلىقىنى» بىلدۈردى.
دونالد ترامپ، ئۇكرائىنا دۆلەت رەئىسى ۋولودىمىر زېلېنسكىي بىلەن ئۆتكۈزگەن سۆھبەتلىرىنى تىلغا ئېلىپ، «بۇ مەسىلىنى سۆزلەشتۇق، قېنى كۆرۈپ باقايلى» دېدى.
پىرېزىدېنت ترامپ يەنە، «ئېنىقكى، رۇسىيە بىلەن سۆزلىشىشىم كېرەك بولۇشى مۇمكىن. ئۇلار توماھاۋكلارنىڭ ئۇ تەرەپكە بېرىشىنى خالايمدۇ؟ ئۇنداق ئويلىمايمەن. ئادىل بولۇش ئۈچۈن، بۇ ھەقتە رۇسىيە بىلەن سۆزلىشەلەيمەن» دېدى ۋە توماھاۋكلارنى «يېڭى بىر ھۇجۇمچى قەدەم» دەپ سۈپەتلىدى.
ترامپ مۇخبىرلارغا، «قاراڭ، ئەگەر بۇ ئۇرۇش ھەل قىلىنمىسا، ئۇلارغا توماھاۋك ئەۋەتىمەن. توماھاۋكنىڭ ئىشەنچلىك بىر قورال ئىكەنلىكىنى، ناھايىتى ھۇجۇمچى بىر قورال ئىكەنلىكىنى ئېيتالايمەن. ۋە راستىنى ئېيتقاندا، رۇسىيە بۇنىڭغا ئېھتىياجلىق ئەمەس... ئەگەر ئۇرۇش ھەل قىلىنمىسا، بۇنى قىلالايدىغانلىقىمىزنى ئېيتالايمەن. بەلكىم قىلماسلىقىمىز مۇمكىن، ئەمما بەلكىم قىلىشىمىز مۇمكىن. ئۇرۇشنىڭ ھەل قىلىنىشىنى خالايمەن» دېدى.
ترامپنىڭ بۇ سۆزلىرى، زېلېنسكىينىڭ يەكشەنبە كۈنى ترامپنىڭ غەززە ئۇرۇش توختىتىش پىلانىغا ئوخشاش بىر ئۇسۇلنىڭ رۇسىيە-ئۇكرائىنا ئۇرۇشىنى ئاخىرلاشتۇرالايدىغانلىقىغا «ئۈمىد» بولىدىغانلىقىنى ئېيتقاندىن كېيىن ئوتتۇرىغا چىقتى.
زېلېنسكىي يەنە، ئىككى دۆلەتنىڭ ئامېرىكانىڭ كىيېۋغا ئۇزۇن مۇساپىلىك توماھاۋك قوزغىما باشقۇرۇلىدىغان بومبىلىرىنى ئەۋەتىشى ئۈستىدە خىزمەت ئىشلەۋاتقانلىقىنى بىلدۈرگەنىدى.
ئۆتكەن دۈشەنبە ترامپ كىيېۋغا توماھاۋك ئەۋەتىش-ئەۋەتمەسلىك مەسىلىسىدە قارار چىقىرىشقا يېقىنلاشقانلىقىنى ئېيتقان ۋە «ئۇكرائىنانىڭ ئۇلار بىلەن نېمە قىلىۋاتقانلىقىنى، باشقۇرۇلىدىغان بومبىلارنى قەيەرگە قويۇپ بېرىۋاتقانلىقىنى بىلىشنى خالايمەن» دەپ قوشۇمچە قىلغانىدى.
