بېرلىن سەيشەنبە كۈنى ئېلان قىلغان باياناتىدا، خىتاي ئارمىيەسىنىڭ قىزىل دېڭىزدا دېڭىز قاتنىشىنى قوغداش ئۈچۈن ياۋروپا ئىتتىپاقى يېتەكچىلىكىدىكى ۋەزىپىگە قاتناشقان گېرمانىيە ئايروپىلانىنى لازېر نۇرى بىلەن ھۇجۇم نىشانى قىلغانلىقىنى بىلدۈردى.
گېرمانىيە تاشقى ئىشلار مىنىستىرلىقىنىڭ ئاممىۋى ئورتاقلىشىش تور بېتى X سەھىپىسىدە ئېلان قىلىنغان باياناتىدا مۇنداق دېيىلدى:
«گېرمانىيە خادىملىرىنى خەتەرگە دۇچار قىلىش ۋە ھەربىي ھەرىكەتنى ئاۋارىچىلىققا ئۇچرىتىش قىلمىشىنى قەتئىي قوبۇل قىلغىلى بولمايدۇ.
بېيجىڭنىڭ بېرلىندىكى باش ئەلچىسىمۇ سۆھبەتكە چاقىرىلدى.»
گېرمانىيە دۆلەت مۇداپىئە مىنىستىرلىقىنىڭ باياناتچىسى گېرمانىيە ئايروپىلانىنىڭ قىزىل دېڭىزدا ياۋروپا ئىتتىپاقىنىڭ Aspides ئەترىتىگە قاتنىشىۋاتقاندا «ھېچقانداق سەۋەبسىز ياكى ئالدىنئالا ئالاقىلاشمايلا» ھۇجۇم نىشانى قىلىنغانلىقىنى ئېيتتى.
گېرمانىيە تاشقى ئىشلار مىنىستىرلىقى خىتاي پاراخوتىنىڭ «(گېرمانىيە) خادىملىرى ۋە ئۈسكۈنىلىرىنى خەتەرگە دۇچار قىلىش خەۋپىگە تەۋەككۈل قىلغانلىقىنى» بىلدۈردى.
گېرمانىيە دۆلەت مۇداپىئە مىنىستىرلىقىنىڭ باياناتچىسى بۇ ۋەقەدىن كېيىن گېرمانىيە ئايروپىلانىنىڭ ۋەزىپىسىنى تاشلاپ، جىبۇتىدىكى بىر بازىغا قايتقانلىقىنى بىلدۈردى.
لازېر نۇرىنىڭ قورال ياكى لازېرلىق يۆنىلىش سىستېمىسى ئىكەنلىكى تېخى ئېنىقلانمىدى.
