جەۋدەت يىلماز ئەرىۋاندىكى باشلىقلار يىغىنىنىڭ ئېچىلىش مۇراسىمى ۋە ئومۇمىي يىغىنىغا قاتناشتى. يىغىن ئۆتكۈزۈلگەن «كارېن دېمىرجىيان» تەنتەربىيە ۋە كونسېرت سارىيىدا مېھمان رەھبەرلەرنى كۈتۈۋالغان ئەرمېنىيە باش مىنىستىرى نىكول پاشىنيان بىلەن قول ئېلىشىپ كۆرۈشكەن يىلماز، ئېچىلىش مۇراسىمىدىن كېيىن باشقا دۆلەت رەھبەرلىرى بىلەن بىرلىكتە كوللېكتىپ خاتىرە سۈرەتكە چۈشتى.
جۇمھۇر رەئىس رەجەپ تاييىپ ئەردوغانغا ۋاكالىتەن يىغىنغا قاتناشقان جەۋدەت يىلمازنىڭ بۈگۈن يەنە بىر قىسىم ئىككى تەرەپلىك ئۇچرىشىشلاردا بولۇشى كۈتۈلمەكتە.
تەۋسىيە
مەزكۇر باشلىقلار يىغىنىغا ئۇكرائىنا پىرېزىدېنتى ۋولۇدىمىر زېلەنىسكىي، فىرانسىيە پىرېزىدېنتى ئېمانۇئېل ماكرون، ئەنگلىيە باش ۋەزىرى كېير ستارمېر ۋە ئىتالىيە باش مىنىستىرى جورجىيا مېلونى قاتارلىق 40 تىن ئارتۇق دۆلەتنىڭ رەھبەرلىرى قاتناشماقتا.
