ئىسرائىلىيەنىڭ ئىرانغا قاراتقان ھۇجۇملىرى داۋاملىشىۋاتقان بىر پەيتتە، جۇمھۇر رەئىس رەجەپ تاييىپ ئەردوغان ئەرەب بىرلەشمە خەلىپىلىكى ئەمىرى شەيخ مۇھەممەد بىن زەيد ئال نەھيان بىلەن تېلېفوندا كۆرۈشتى.
سەيشەنبە كۈنى ئېلان قىلىنغان باياناتتا، ئىككى رەھبەرنىڭ سۆھبىتىدە ئىسرائىلىيە-ئىران توقۇنۇشى، شۇنداقلا ئىككى تەرەپلىك مۇناسىۋەت ۋە باشقا رايونلۇق مەسىلىلەر مۇزاكىرە قىلىنغان.لىقى بىلدۈرۈلدى.
باياناتقا ئاساسلانغاندا، جۇمھۇر رەئىس ئەردوغان سۆھبەتتە ئىسرائىلىيەنىڭ ئىرانغا قاراتقان ھۇجۇملىرى بىلەن باشلانغان زوراۋانلىقنىڭ پۈتكۈل رايوننىڭ بىخەتەرلىكىگە خەۋپ ئېلىپ كېلىۋاتقانلىقىنى، رايوننىڭ يېڭى بىر ئۇرۇشقا بەرداشلىق بېرەلمەيدىغانلىقىنى تەكىتلىگەن.
جۇمھۇر رەئىس ئەردوغان يەنە دىپلوماتىك ئالاقە ئارقىلىق توقۇنۇشلارنى ئاخىرلاشتۇرۇش ئۈچۈن تىرىشىۋاتقانلىقىنى بىلدۈرۈپ، ئىران بىلەن بولغان يادرو كېلىشەلمەسلىكىنى ھەل قىلىشنىڭ يولى سۆھبەت ئۈستىلى ئىكەنلىكىنى تەكىتلىدى.
ئەردوغان ھازىرقى ۋەزىيەتنىڭ غەززەدىكى ئېغىر ئىنسانپەرۋەرلىك كىرىزىسىگە كۆلەڭگە چۈشۈرۈپ قويماسلىقى كېرەكلىكى ھەققىدە ئالاھىدە ئاگاھلاندۇرۇپ، ئەكسىچە بولغاندا غەربىي قىرغاق ۋە شەرقىي قۇددۇسنىڭمۇ ئىسرائىلىيە ئىشغالىيىتى تەھدىتىگە دۇچ كېلىدىغانلىقىنى بىلدۈردى.
