خەلقئارا
1 مىنۇت ئوقۇش
تېھران ئامېرىكانىڭ ئىران يۈك پاراخوتىنى مۇسادىرە قىلىشىغا: «بۇ بىر دېڭىز قاراقچىلىقى» دەپ باھا بەردى
ئىران تاشقى ئىشلار مىنىستىرلىقى بايانات ئېلان قىلىپ: «تېھران دۆلەت مەنپەئەتى ۋە بىخەتەرلىكىنى قوغداش، ئىرانلىقلارنىڭ ھەق-ھوقۇقى ۋە ئىززەت-ھۆرمىتىنى ساقلاش ئۈچۈن بارلىق ئىقتىدارىنى ئىشقا سالىدۇ» دېدى.
تېھران ئامېرىكانىڭ ئىران يۈك پاراخوتىنى مۇسادىرە قىلىشىغا: «بۇ بىر دېڭىز قاراقچىلىقى» دەپ باھا بەردى
2026-يىلى 4-ئاينىڭ 20-كۈنى ئەرەب دېڭىزىدا تۇتۇپ قېلىنغان ئىران بايرىقى ئېسىلغان يۈك پاراخوتى M/V Touska ئەتراپىدا ئامېرىكا قىسىملىرى چارلاش قىلماقتا. / Reuters

ئىران تاشقى ئىشلار مىنىستىرلىقى ئامېرىكا ئارمىيەسىنىڭ ئىران پورتلىرىغا يۈرگۈزۈلگەن قامالنى بۆسۈپ ئۆتمەكچى بولغانلىقى ئىلگىرى سۈرۈلگەن بىر يۈك پاراخوتىنى مۇسادىرە قىلىشىنى كەسكىن ئىبارىلەرنى ئىشلىتىپ ئەيىبلىدى.

مىنىستىرلىق سەيشەنبە كۈنى بايانات ئېلان قىلىپ: «ئىران ئىسلام جۇمھۇرىيىتى تاشقى ئىشلار مىنىستىرلىقى ئامېرىكانىڭ ‹تېررورچى ئارمىيەسى›نىڭ يەكشەنبە كۈنى ئىران سودا پاراخوتى ‹توسكا›غا (Touska) قاراتقان قانۇنسىز ۋە زوراۋانلىق خاراكتېرلىك ھۇجۇمىنى ئەيىبلەيدۇ» دېدى.

مەزكۇر ۋەقەگە «دېڭىز قاراقچىلىقى ۋە تېررورلۇق ھەرىكىتىنىڭ بىر تۈرى» دەپ باھا بېرىلگەن باياناتتا، بۇنىڭ خەلقئارا قانۇنلار ھەمدە 7-ئاپرېل باشلانغان ئامېرىكا بىلەن بولغان ئىككى ھەپتىلىك ئۇرۇش توختىتىش كېلىشىمىگىمۇ خىلاپ ئىكەنلىكى ئەسكەرتىلدى.

تەۋسىيە

مىنىستىرلىق ئىران بايرىقى قادالغان پاراخوت بىلەن بىرگە، ئۇنىڭدىكى خادىملار ۋە ئائىلە تاۋابىئاتلىرىنىڭ دەرھال قويۇپ بېرىلىشىنى تەلەپ قىلدى. «ئىران ئىسلام جۇمھۇرىيىتى دۆلەت مەنپەئەتى ۋە بىخەتەرلىكىنى قوغداش ھەمدە ئىرانلىقلارنىڭ ھەق-ھوقۇقى ۋە ئىززەت-ھۆرمىتىنى ساقلاش ئۈچۈن بارلىق ئىمكانىيەتلىرىنى سەپەرۋەر قىلىدۇ» دېگەن ئىبارىلەرگە ئورۇن بېرىلگەن باياناتتا، «سۈركىلىشنىڭ تېخىمۇ ئەۋج ئېلىپ كېتىش» مەسئۇلىيىتىنىڭ پۈتۈنلەي ئامېرىكاغا ئائىت بولىدىغانلىقى تەكىتلەندى.

ئامېرىكا ئارمىيەسى مەركىزىي قوماندانلىق ئىشتابى (CENTCOM) يەكشەنبە كۈنى بايانات ئېلان قىلىپ، ئامېرىكا دېڭىز ئارمىيەسىنىڭ قامال قىلىش كۆرسەتمىلىرىگە بويسۇنۇشنى رەت قىلغان ئىران بايرىقى قادالغان «توسكا» ناملىق يۈك پاراخوتىنى ئومان قولتۇقىدا مۇسادىرە قىلغانلىقىنى جاكارلىغانىدى.

مەركىزىي قوماندانلىق دۈشەنبە كۈنىدىكى باياناتىدا، ئىران پورتلىرىغا قارىتىلغان دېڭىز قامالى 13-ئاپرېل باشلانغاندىن بۇيان، ئامېرىكا قىسىملىرىنىڭ 27 سودا پاراخوتىنى كەلگەن يۆنىلىشىگە بۇرۇلۇشقا ياكى ئىرانغا تەۋە پورتلارغا قايتىپ كېتىشكە مەجبۇرلىغانلىقىنى بىلدۈرگەنىدى.

ئىزدىنىڭ
ترامپ ھۆكۈمىتى 300 مىڭدىن ئارتۇق ۋىزىنى ئەمەلدىن قالدۇرغانلىقىنى ئېلان قىلدى
شىمالىي ئاتلانتىك ئەھدى تەشكىلاتى قارا دېڭىزغا قوشۇمچە ئەسكەر ۋە ھەربىي لازىمەتلىكلەرنى ئەۋەتىدۇ
مېرز: تۈركىيەدىن كەلگەن كۆچمەنلەر گېرمانىيەنى بېيىتتى
ۋىتكوف زېلېنىسكىي بىلەن كۆرۈشكەندىن كېيىن پۇتىنغا يېڭى تىنچلىق تەكلىپىنى سۇنىدۇ
ب د ت: «غەززەدە كىشىلەر ئۈمىدىنى يوقىتىشقا ۋە ئۇنتۇلۇپ قالغاندەك ھېس قىلىشقا باشلىدى»
ئۇكرائىنا: «رۇسىيە ئارمىيەسىنىڭ ئوخشىمىغان رايونلارغا قىلغان ھۇجۇملىرىدا 8 كىشى قازا قىلدى»
مالىدا دائىشقا چېتىشلىقى ئىلگىرى سۈرۈلگەن ھۇجۇمدا 48 پۇقرا قازا قىلدى
مىسىردا يۈز بەرگەن قاتناش ۋەقەسىدە 13 كىشى قازا قىلدى
كۈلتەپەنىڭ 78 يىللىق قېزىش تارىخىدا ئەڭ كاتتا يېڭى بايقاش
فرانسىيەدە سېرىق جىلىتكىلىكلەر نامايىشىدىن كېيىن جىددىي ھالەت ئېلان قىلىش پىلانلانمىدى
فىرانسىيە پىرېزىدېنتى ماكرون دۆلىتى ئۈچۈن قوشۇمچە دىزېل ھەل قىلدى
تاشقى ئىشلار مىنىستىرى فىدان بىريۇسسېلدا ناتو باش كاتىپى رۇتتې بىلەن كۆرۈشتى
ئىران: ھورمۇز بوغۇزىدا ئامېرىكانىڭ بىر «MQ-9» ئاپپاراتىنى ئېتىپ چۈشۈردۇق
ئامېرىكا پالاتا ئەزاسى ساندېرس ئىسرائىلىيەگە ھەربىي ياردەمنى توختىتىشقا چاقىردى
ئۇكرائىنا: رۇسىيەنىڭ تاڭ ئاتقۇچە قىلغان ھۇجۇملىرىدا ئۈچ كىشى ئۆلدى، 11 كىشى يارىلاندى