تۈركىيە جۇمھۇرىيىتى جۇمھۇر رەئىس رەجەپ تاييىپ ئەردوغان بۈيۈك قايتۇرما ھۇجۇم غەلىبىسىنىڭ 104 - يىللىقى مۇناسىۋىتى بىلەن، تۈركىيە جۇمھۇرىيىتىنىڭ قۇرغۇچىسى مۇستاپا كامال ئاتاتۈرك باشلىق مۇستەقىللىق يولىدا بەدەل تۆلىگەن پۈتۈن شېھىت ۋە غازىلارنى چەكسىز ئىپتىخارلىق ۋە مىننەتدارلىق بىلەن ئەسلەپ ئۆتتى.
جۇمھۇر رەئىس ئەردوغان ئاممىۋى ئورتاقلىشىش تور بېتى NSosyal سەھىپىسىدە ئېلان قىلغان باياناتىدا مۇنداق دېدى:
«ئانادولۇنىڭ مۇقەددەس تۇپراقلىرىغا سوزۇلغان مەينەت قوللارنى زېمىنىمىزدىن يوقىتىش ئۈچۈن باشلىغان بۈيۈك قايتۇرما ھۇجۇمنىڭ 104 - يىللىقىدا، غازى مۇستاپا كامال ئاتاتۈرك باشلىق مۇستەقىللىقىمىز ئۈچۈن ئېزىز جېنىنى پىدا قىلغان بارلىق شېھىتلىرىمىزنى ۋە غازىلىرىمىزنى چوڭقۇر سېغىنىش ئىلكىدە ھۆرمەت بىلەن ئەسلەيمەن.»
«تارىخنىڭ يۆنىلىشىنى ئۆزگەرتكەن كۈن» دەپ ئاتالغان 26-ئاۋغۇست كۈنى باشلانغان بۈيۈك قايتۇرما ھۇجۇم، 30-ئاۋغۇستتىكى بۈيۈك غەلىبە بىلەن ئانادولۇنىڭ مەڭگۈلۈك تۈرك يۇرتى سۈپىتىدە تارىخ سەھىپىسىدىن ئورۇن ئېلىشى ۋە ئېتىراپ قىلىنىشىنى كاپالەتكە ئىگە قىلغان ئىدى.
