ئەنگلىيەدە باشلانغان يېڭى بىر ئاممىۋى تەشۋىقات ھەرىكىتىدە، ئائىلىلەرنىڭ يۈز بېرىش ئېھتىمالى بولغان دۆلەت خاراكتېرلىك كىرىزىسقا قارشى تەييارلىق كۆرۈپ قويۇشى تەلەپ قىلىنىش بىلەن بىرگە؛ پۇقرالارغا ئۈچ كۈنلۈك سۇ ۋە يېمەكلىك زاپىسى ساقلىشى، ئېلېكترونلۇق پۇل تۆلەش سىستېمىلىرىنىڭ پالەچ ھالەتكە چۈشۈپ قېلىش ئېھتىماللىقىغا قارشى نەق پۇل تەييارلاپ قويۇشى تەۋسىيە قىلىندى.
ئەنگلىيە ھۆكۈمىتى تەرىپىدىن يولغا قويۇلغان يېڭى تەييارلىق كۆرسەتمىسىدە، تور ھۇجۇملىرى، كەلكۈن ئاپەتلىرى، ئورمان ئوت ئاپەتلىرى ۋە يۈز بېرىش ئېھتىمالى بولغان بۇزغۇنچىلىق خەۋپلىرىگە قارشى پۇقرالارنىڭ ئېھتىياتچان بولۇشى نىشان قىلىنماقتا.
سەپەرۋەرلىك دائىرىسىدە، توك توختاپ قېلىشقا قارشى توك قاچىلىغۇچلارنى، باتارېيەلىك ياكى قولدا تولغاپ توك چىقىرىدىغان رادىيولارنى، شۇنداقلا بېسىپ چىقىرىلغان تەكشۈرۈش تىزىملىكلىرىنى تەييار ساقلاش تەلەپ قىلىنماقتا.
دۆلەت مۇداپىئە ۋەزىرى ۋېس سترېتىڭ ھەممە ئادەمنىڭ ئۆز مەجبۇرىيىتىنى ئادا قىلىشى كېرەكلىكىنى تەكىتلەپ، مەسىلىنىڭ مۇھىملىقىنى ئەسكەرتتى.
