خەلقئارا
2 مىنۇت ئوقۇش
ب د ت سۈرىيەنىڭ ۋاقىتلىق قانۇن چىقىرىش ئورگىنىنى «ئۆتكۈنچى باسقۇچتىكى مۇھىم بىر قەدەم» دەپ ئاتىدى
بىرلەشكەن دۆلەتلەر تەشكىلاتى — ب د ت باياناتچىسى سۈرىيەدىكى ۋاسىتىلىك سايلامدا ب د ت دىن ياردەم تەلەپ قىلىنمىغانلىقىنى ئېيتتى.
ب د ت سۈرىيەنىڭ ۋاقىتلىق قانۇن چىقىرىش ئورگىنىنى «ئۆتكۈنچى باسقۇچتىكى مۇھىم بىر قەدەم» دەپ ئاتىدى
ناۋار نەجمە - سۈرىيە ئالىي سايلام كومىتېتى باياناتچىسى. 06-ئۆكتەبىر، 2025. / Reuters

بىرلەشكەن دۆلەتلەر تەشكىلاتى — ب د ت سۈرىيەدە ۋاقىتلىق بىر ئورگان ۋە قانۇن چىقىرىش مەجلىسىنىڭ قۇرۇلۇشىغا «دۆلەتنىڭ ئۆتكۈنچى باسقۇچىدىكى جىددىي ۋە مۇھىم مەسىلىلىرىنى ھەل قىلىش ئۈچۈن تاشلانغان <مۇھىم بىر قەدەم>» دەپ باھا بەردى.

ب د ت باياناتچىسى ستېفان دۇجاررىك مۇخبىرلارنى كۈتۈۋېلىش يىغىنىدا، ب د ت ئالاھىدە ۋەكىلى ئىشخانىسىنىڭ «تۈنۈگۈن ئۆتكۈزۈلگەن ۋاسىتىلىك سايلامنى دىققەت بىلەن كۆزەتكەنلكىى»نى بىلدۈرۈپ: «ئەلۋەتتە، بىز رەسمىي نەتىجىلەرنىڭ ئېلان قىلىنىشىنى ۋە مەجلىستە بوش قالغان ئورۇندۇقلارغا پىرېزىدېنت تەرىپىدىن كىشى تەيىنلىنىشىگە ئالاقىدار ئۆزگىرىشلەرنى داۋاملىق كۆزىتىمىز» دېدى.

ستېفان دۇجاررىك: «ب د ت ئالاھىدە ۋەكىلى ئىشخانىسى ئومۇمىي جەھەتتىن سايلام جەريانىغا ئارىلىشىپ باقمىدى، بىزدىن ھېچقانداق سايلام ياردىمى تەلەپ قىلىنمىدى» دېگەنلەرنى قەيت قىلدى.

ئۇ: «شۇنداقتىمۇ، ۋاقىتلىق بىر ئورگان ۋە ۋاقىتلىق قانۇن چىقىرىش مەجلىسىنىڭ قۇرۇلۇشى، ئۆتكۈنچى باسقۇچتىكى جىددىي قانۇنىي ۋە ئورگان خاراكتېرلىك مۇھىم ئىشلارنى بىر تەرەپ قىلىش جەھەتتە مۇھىم بىر قەدەم ھېسابلىنىدۇ» دېدى.

ئۇ يەنە: «ئالاھىدە ۋەكىلىمىزنىڭ ئىشخانىسى، ئۆتكۈنچى باسقۇچتا خەلق مەجلىسى خىزمەتلىرىنىڭ ئاشكارا، ئوچۇق ۋە ھەممىنى ئۆز ئىچىگە ئالغان شەكىلدە ئېلىپ بېرىلىشىنىڭ مۇھىملىقىنى تەكىتلەيدۇ» دېگەنلەرنى سۆزلىرىگە ئىلاۋە قىلدى.

دۇجاررىك، سۈرىيە جەمئىيىتىنىڭ بارلىق تەركىبىي قىسىملىرىنى ئۆز ئىچىگە ئېلىشقا كاپالەتلىك قىلىش ئۈچۈن «يەنىلا مۇھىم تىرىشچانلىقلارنىڭ كۆرسىتىلىشى كېرەكلىكى»نى بىلدۈردى.

بۇ باياناتلار يەكشەنبە كۈنى سۈرىيەدە خەلق مەجلىسى ئەزالىرىنى سايلاش ئۈچۈن ئۆتكۈزۈلگەن ۋاسىتىلىك سايلامغا قارىتا ئېلان قىلىندى. بۇ سايلام، ئەسەد ھاكىمىيىتى ئاغدۇرۇلغاندىن بۇيان ئۆتكۈزۈلگەن تۇنجى سايلام بولۇپ ھېسابلىنىدۇ. پۈتۈن مەملىكەتتىكى سايلام ھەيئەتلىرىدىن سايلانغان تەخمىنەن 6000 سايلىغۇچى، 210 ئورۇندۇقلۇق مەجلىسنىڭ ئۈچتىن ئىككى قىسمىنى بېكىتىش ئۈچۈن بېلەت تاشلىدى.

يېڭى ئۆتكۈنچى تۈزۈم دائىرىسىدە، 140 ئورۇندۇق بۇ ۋاسىتىلىك بېلەت تاشلاش ئارقىلىق بېكىتىلدى؛ قالغان 70 ئەزا بولسا پىرېزىدېنتنىڭ پەرمانى بىلەن تەيىنلىنىدۇ.

ئىزدىنىڭ
سۇداندا ئۇچقۇچىسىز ئايروپىلان ھۇجۇمى يۈ بەردى
كامبودژادا ئوقۇغۇچىلار ئاپتوبۇسى كۆلچەككە چۈشۈپ كەتتى
كونگو دېموكراتىك جۇمھۇرىيىتىدە ھەربىي سوتنىڭ ھۆكمىنى چىقاردى
رىزائى ترامپنى ئىراننىڭ 7 تۈرلۈك شەرتىنى قوبۇل قىلىشقا چاقىردى
فىرانسىيە تاللا بازارلىرىغا قىلىنغان تور ھۇجۇمىدا ئىراننى ئەيىبلىدى
ترامپ ھازىرچە ئىرانغا ھەربىي ھەرىكەت قىلىشنىڭ ھاجىتى يوقلۇقىنى ئېيتتى
ئاتاتۈرك خاتىرە سارايىدا بۈيۈك رەھبەر ئاتاتۈرك ئۈچۈن دۆلەت مۇراسىمى ئۆتكۈزۈلدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
خىتاي ئامېرىكا مەھسۇلاتلىرىغا قوشۇمچە تاموژنا بېجى قويۇشنى كېچىكتۈرۈش مۇددىتىنى يەنە 2 ئاي ئۇزارتتى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
رۇبىيو: ئىران بىلەن دىپلوماتىك كېلىشىم ھاسىل قىلىش ئېھتىمالدىن يىراق
ترامپ خىتايدا پۇتىن ۋە شى جىنپىڭ بىلەن كۆرۈشۈشى مۇمكىن
ئارگېنتىنادا پاپا 14-لېئونى ئۆلۈم بىلەن تەھدىت سالغانلىقى ئىلگىرى سۈرۈلگەن بىر كىشى تۇتقۇن قىلىندى
فىرانسىيە: ياۋروپامۇ ئەبۇ زەبىدە ئۆتكۈزۈلىدىغان رۇسىيە-ئۇكرائىنا سۆھبىتىگە قاتنىشىدۇ