ئەمەلدارلارنىڭ باياناتىغا قارىغاندا، رۇسىيەگە تەۋە بىر ئۇچقۇچىسىز ئايروپىلاننىڭ ئۇكرائىنانىڭ ئوتتۇرا قىسمىدىكى دىنىپرو پويىز ئىستانسىسىدىكى بىر سۇپىغا ئۇرۇلۇشى نەتىجىسىدە كەم دېگەندە 14 كىشى ھاياتىدىن ئايرىلىپ، يەنە 14 كىشى يارىلانغان.
دەسلەپتە 13 كىشىنىڭ ئۆلگەنلىكىنىڭ جەزملەشكەنلىكىنى بىلدۈرگەن دۆلەت رەئىسى ۋولودىمىر زېلېنسكىي: «رۇسلار، شەھەر ئەتراپى پويىزى بىلەن بىر يولۇچىلار پويىزى تۇرۇۋاتقان سۇپىغا ھۇجۇم قىلدى» دېدى. كېيىنچە ئۆلگەنلەر سانى 14 كە كۆتۈرۈلدى.
زېلېنسكىي يەنە، يۈز بەرگەن ھۇجۇمدىن كېيىن ئامېرىكا قوشما ئىشتاتلىرى ۋە ياۋروپانى ھەرىكەتكە ئۆتۈشكە چاقىردى.
