ئىراقنىڭ ھازىرقى باش مىنىستىرى مۇھەممەد شىيا ئەس-سۇدانى سايلامدا غەلىبە قىلغانلىقىنى مۇناسىۋىتى بىلەن خەلققە سۆزلىگەن نۇتقىدا، بىرلەشمىنىڭ سايلامدا غەلىبە قىلغانلىقىنى بىلدۈردى.ئىراق باش مىنىستىرى مۇھەممەد شىيا ئەس-سۇدانى چارشەنبە (12-نويابىر) كۈنى تېلېۋىزوردا سۆزلىگەن نۇتقىدا، غەلبىسىنى ئىراق خەلقىنىڭ غەلىبىسى ئىكەنلىكىنى ئەسكەرتىپ: « پارلامېنت سايلىمىدا بىرلەشمىمىزنىڭ بىرىنچى بولغانلىقىنى تەبرىكلەيمىز. پات ئارىدا ھۆكۈمەت قۇرۇش سۆھبەتلىرى باشلىنىدۇ» دېدى.بۇرۇنراق دۆلەتنىڭ سايلام كومىتېتى مۇھەممەد شىيا ئەس-سۇدانى رەھبەرلىكىدىكى «ئىمار ۋە تەرەققىيات بىرلەشمىسى»نىڭ ئىراق پارلامېنت سايلىمىدا كۈچلۈك ئۈستۈنلۈكنى ئىگىلىگەنلىكىنى خەۋەر قىلغانىدى.سايلام كومىتېت ئېلان قىلغان دەسلەپكى نەتىجىگە قارىغاندا، ئەس-سۇدانىنىڭ بىرلەشمىسى 4 مىليوندىن ئارتۇق سايلىغۇچىنىڭ 411 مىڭ 26 ئاۋازىغا ئېرىشكەن. ئىككىنچى ئورۇندا سابىق پارلامېنت باشلىقى مۇھەممەد ئەل-ھالبۇسى رەھبەرلىكىدىكى «تەرەققىيات پارتىيەسى»، ئۈچىنچى ئورۇندا بولسا سابىق باش مىنىستىر نۇرى ئەل-مالىكى باشچىلىقىدىكى «قانۇن دۆلىتى بىرلەشمىسى» تۇرغان.كومىتېتنىڭ بىلدۈرۈشىچە، مەملىكەت بويىچە سايلامغا قاتنىشىش نىسبىتى %56.11 بولغان.سەيشەنبە (11-نويابىر) كۈنىدىكى سايلامدا ئەس-سۇدانى ئىككىنچى نۆۋەت ۋەزىپە ئۆتەش ئۈچۈن نامزات بولغان.نۇرغۇن ئۈمىدسىزلەنگەن ياش سايلىغۇچىلارنىڭ سايلام ئاۋازىنى مۇقىم پارتىيەلەرنىڭ ئىراقنىڭ نېفىت كىرىمىدىن ئورتاق بەھرىلىنىش ۋاستىسى دەپ قارايدىغانلىقى ئوتتۇرىغا چىققان.ئەس-سۇدانى بۇنىڭغا قارىماي، ئۇزۇن يىللاردىن بۇيان داۋام قىلىۋاتقان تۇراقسىزلىقتىن كېيىن، ئۆزىنىڭ ئىراقنى مۇۋەپپەقىيەتكە ئېرىشتۈرەلەيدىغان رەھبەر ئىكەنلىكىنى كۆرسىتىش ئۈچۈن تىرىشقانلىقىنى ۋە ئۆزىنى ھاكىمىيەت بېشىغا ئېلىپ كەلگەن پارتىيەلەرگە قارشى تەدبىرلەرنى يولغا قويغانلىقىنى ئىلگىرى سۈردى.
