CNN تېلېۋىزىيە قانىلىنىڭ خەۋىرىگە قارىغاندا، ئۇكرائىنالىق يۇقىرى دەرىجىلىك بىر ئەمەلدار كىيېۋ ھۆكۈمىتىنىڭ بىرنەچچە ھەپتىدىن بۇيان ئامېرىكا ئىشلەپچىقارغان «ۋەتەنپەرۋەر» ناملىق ھاۋا مۇداپىئە سىستېمىسىنى ئىشلىتەلمەيۋاتقانلىقىنى ئاشكارىلىغان. ئۇكرائىنادىكى مەزكۇر سىستېمىنىڭ ئوقلىرى «پۈتۈنلەي تۈگەش ئالدىدا» تۇرۇۋاتقان بولۇپ، مەزكۇر ئەمەلدار ئۇدا ئالتە ھەپتىدىن بۇيان تېخىچە بىرەر دانە ئوقنىڭمۇ ئېتىلغانلىقىنى كۆرمىگەنلىكىنى تىلغا ئالغان.
خەۋەردە كۆرسىتىلىشىچە، ئونلىغان دۆلەتلەرنىڭ ئۆز ھاۋا مۇداپىئە سىستېمىسىنى كۈچەيتىشكە تىرىشىۋاتقانلىقى ۋە ئوتتۇرا شەرقتىكى توقۇنۇشلاردا «ۋەتەنپەرۋەر» ناملىق باشقۇرۇلىدىغان بومبىلىرىنىڭ قويۇق ئىشلىتىلىشى سەۋەبىدىن، يەر شارى خاراكتېرلىك تەمىنلەش قىيىنچىلىقى كۆرۈلگەن. ئۇكرائىنالىق ئەمەلدار ئوتتۇرا شەرقتىكى توقۇنۇشلارنىڭ ئاخىرىدا ئۇكرائىناغىمۇ تەسىر كۆرسىتىدىغانلىقىنى مۆلچەرلىگەنلىكىنى ئەسكەرتكەن.
ئۇكرائىنا پىرېزىدېنتى ۋولودىمىر زېلېنسكىي بۇنىڭدىن ئىلگىرى ئامېرىكادىن ھەر ئاي مۇشۇ تىپتىكى باشقۇرۇلىدىغان بومبىلارنى تاپشۇرۇۋالىدىغانلىقىنى ئېيتقان ئىدى. ئۇكرائىنا ھۆكۈمىتى نۆۋەتتە مەزكۇر بومبىلارنى تەمىنلەش ياكى ئىشلەپچىقىرىش ئىجازەتنامىسىنى ئامېرىكادىن ئېلىش ئۈچۈن داۋاملىق تىرىشىۋاتقانلىقىنى ئېلان قىلغان.
