جۇمھۇر رەئىس رەجەپ تاييىپ ئەردوغاننىڭ ئىراق باش مىنىستىرى ئەلى ئەززەيدىنى قوبۇل قىلىشىدىن كېيىن، تەرەپلەرنىڭ بىخەتەرلىك ساھەسىدىكى ھەمكارلىقنى چوڭقۇرلاشتۇرۇش توغرىسىدا پىكىر بىرلىكى ھاسىل قىلغانلىقى بىلدۈرۈلدى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىدارىسى، ئەردوغاننىڭ بىرلەشكەن دۆلەتلەر تەشكىلاتى ئومۇمىي كېڭىشى مۇناسىۋىتى بىلەن تۇرۇۋاتقان نىيۇيوركتا ئىراق باش مىنىستىرى زەيدىنى قوبۇل قىلىشىدىن كېيىن، «تۈركىيە—ئىراق بىرلەشمە ئاخبارات باياناتى»نى ئېلان قىلدى.
باياناتتا دېيىلىشىچە، تۈركىيە بىلەن ئىراق دائىرىلىرى ئىككى دۆلەت ئوتتۇرىسىدىكى ئىستراتېگىيەلىك مۇناسىۋەتنى ھەر قايسى تەرەپلىرىدىن مۇزاكىرە قىلغان. تەرەپلەر بىخەتەرلىك ساھەسىدىكى ھەمكارلىقنى چوڭقۇرلاشتۇرۇش، سىنجاردا دۆلەت ھاكىمىيىتىنى تولۇق ئورنىتىش ۋە چەكلەنگەن چەت ئەل قوراللىق ئۇنسۇرلىرىنىڭ مەۋجۇتلۇقىغا خاتىمە بېرىش توغرىسىدا كېلىشكەن.
ئىراقنىڭ بۇ بىخەتەرلىك تەدبىرلىرىدە قولغا كەلتۈرگەن ئىلگىرىلىشىگە ئاساسەن، تۈركىيە ئارمىيەسى پۈتۈشكەن مېخانىزم ۋە ۋاقىت جەدۋىلى بويىچە باشىكا—زىلىكان بازىسىنى باسقۇچلۇق ھالدا ئىراق فېدېراتسىيە ھۆكۈمىتىگە ئۆتكۈزۈپ بېرىدۇ.
