ئىران دۆلەت تېلېۋىزىيەسىنىڭ، ئىنقىلاب مۇھاپىزەتچىلىرى ئارمىيەسى دېڭىز قىسىملىرىنى مەنبە قىلغان خەۋىرىگە ئاساسلانغاندا، ئاخىرقى 24 سائەتتە نېفىت تانكىرلىرى، كونتېينېر پاراخوتلىرى ۋە باشقا سودا پاراخوتلىرى بولۇپ. جەمئىي33 پاراخوت، دېڭىز ئارمىيەسىنىڭ ماسلىشىشى ۋە بىخەتەرلىكى ئاستىدا ھورمۇز بوغۇزىدىن ئۆتكەن.

ئىنقىلاب مۇھاپىزەتچىلىرى ئارمىيەسى 21-مايدا 31 پاراخوت، 22-مايدا 35 پاراخوت، 23-مايدا بولسا 25 پاراخوتنىڭ ھورمۇز بوغۇزىدىن ئۆتكەنلىكىنى ئېلان قىلغان ئىدى.

ئىراننىڭ ھورمۇز بوغۇزىنى تاقىشى ۋە ئامېرىكانىڭ دېڭىز قامالى

ئىران، ئامېرىكا-ئىسرائىلىيەنىڭ 28-فېۋرالدا قوزقىغان ئورتاق ھۇجۇملىرىدىن كېيىن يەر شارى ئېنېرگىيەسىنىڭ ئىستراتېگىيەلىك ئۆتۈش نۇقتىلىرىدىن ھورمۇز بوغۇزىنى تاقىۋەتكەن ئىدى.

ئامېرىكا بىلەن ئىران ئوتتۇرىسىدا 8-ئاپرېلدا ھاسىل قىلىنغان ئوۇرۇش توختىتىش كېلىشىمىدىن كېيىن پاكىستان ۋاسىتىچىلىقىدىكى سۆھبەتتىن نەتىجە چىقمىغاندىن كېيىن ئامېرىكا پىرېزىدېنتى دونالد ترامپ، 13-ئاپرېلدا ئىرانغا دېڭىز قامالى يۈرگۈزۈش قارارى ئالغان ۋە ھورمۇز بوغۇزىغا كىرىپ چىقىۋاتقان ئىرانغا چېتىشلىق پاراخوتلارغا مۇداخىلە قىلىشنى باشلىغان ئىدى.

ئىران، 17-ئاپرېلدا لىۋاندا ئۇرۇش توختىتىش ئىشقا ئاشۇرۇلغاندىن كېيىن، ئۇرۇش توختىتىش جەريانىدا ھورمۇز بوغۇزىنىڭ ئىران دېڭىز ئارمىيەسى بىلەن ماسلىشىش شەرتى ئاستىدا سودا پاراخوتلىرىنىڭ ئۆتۈشىگە ئوچۇق ئىكەنلىكىنى جاكارلىغان، ئەمما ئامېرىكانىڭ دېڭىز قامالىنى داۋاملاشتۇرىدىغانلىقىنى بىلدۈرۈشىدىن كېيىن بوغۇزدىن ئۆتۈشلەرگە قايتىدىن چەكلىمىلەرنى ئېلان قىلغان ئىدى.

ئامېرىكا بۇ مۇساپىدە ئومان دېڭىزى ۋە ھىندى ئوكياندا ئىرانغا ئائىت بەزى سودا پاراخوتلىرىغا ھۇجۇم قىلىپ مۇسادىرە قىلغان بولسا،، ئىرانمۇ بۇنىڭغا قارىتا ھورمۇز بوغۇزى يېقىنلىرىدا بىرسى ئىسرائىلىيەگە تەۋە بەزى ئالاقىدار پاراخوتلارغا مۇداخىلە قىلىپ مۇسادىرە قىلغان ئىدى.