جەنۇبىي ئافرىقا ساقچىلىرى شەنبە كۈنى ئېلان قىلغان باياناتىدا، جەنۇبىي ئافرىقا مەمۇرىي پايتەختى پرېتورىيەگە يېقىن بىر قاۋاقخانىدا يۈز بەرگەن كوللېكتىپ قوراللىق ھۇجۇمدا ئۈچ بالىنى قوشقاندا كەم دېگەندە 11 كىشىنىڭ ئۆلگەنلىكىنى ئېيتتى.
جەنۇبىي ئافرىقا ساقچى ئىدارىسى تەرىپىدىن ئېلان قىلىنغان باياناتقا ئاساسلانغاندا، ئوق چىقىرىش نەتىجىسىدە يارىلانغان 14 كىشى دوختۇرخانىغا ئېلىپ بېرىلغان. ساقچىلار، يارىلانغانلارنىڭ يېشى ھەققىدە ئۇچۇر بەرمىگەن.
قوراللىق ھۇجۇم شەنبە كۈنى سەھەردە پرېتورىيەنىڭ غەربىدىكى ساۋۇلۋىل بازىرىدا ئىجازەتنامىسىز شەكىلدە تىجارەت قىلىۋاتقان بىر قاۋاقخانىدا يۈز بەرگەن.
ئۆلگەن بالىلار ئارىسىدا 3 ياشلىق ۋە 12 ياشلىق ئىككى ئوغۇل بالا ۋە 16 ياشلىق بىر قىز بالا بار ئىدى. ساقچىلار ئۈچ گۇماندارنى ئىزدەپ تۇتۇش داۋاملىشىۋاتقانلىقىنى ئېيتتى.
جەنۇبىي ئافرىقا، دۇنيادىكى ئەڭ يۇقىرى جىنايەت نىسبىتىگە ئىگە دۆلەتلەرنىڭ بىرى. دۆلەتتە 2024-يىلى 26 مىڭدىن ئارتۇق جىنايەت سادىر قىلىندى، بۇ كۈنىگە ئوتتۇرا ھېساب بىلەن 70 تىن ئارتۇق جىنايەت دېگەنلىكتۇر.
