غەززە پۇقرالارنى قوغداش ئىدارىسىنىڭ باياناتىغا ئاساسەن، پۇقرالارنى قوغداش ئەترەتلىرى غەززە شەھىرىنىڭ غەربىدىكى ئۆي خارابىسى ئاستىدىن بىر ئائىلىگە مەنسۇپ 30 پەلەستىنلىكنىڭ جەسىتىنى چىقاردى.
باياناتتا، ئۆلگەنلەرنىڭ سالىم ئائىلىسىگە تەۋە ئىكەنلىكى ۋە 2023-يىلى 19-دېكابىر ئىسرائىلىيەنىڭ غەززە شەھىرىنىڭ ئەررىمال مەھەللىسىدىكى ئۆيلىرىگە قىلغان ھاۋا ھۇجۇمىدا ھاياتىدىن ئايرىلغانلىقى بىلدۈرۈلدى.
پۇقرالارنى قوغداش ئىدارىسى بۇ ھۇجۇمدا ئائىلىنىڭ تەخمىنەن 60 ئەزاسىنىڭ ئۆلتۈرۈلگەنلىكىگە ئىشىنىدىغانلىقىنى قەيت قىلدى.
يىقىلغان بۇ ئۆي، پۇقرالارنى قوغداش ئىدارىسىنىڭ غەززە مىقياسىدىكى ئىسرائىلىيە تەرىپىدىن ۋەيران قىلىنغان ئىمارەتلەرنىڭ خارابىسى ئاستىدا قاپسىلىپ قالغان دەپ قارىلىۋاتقان مىڭلارچە پەلەستىنلىكنى ئىزدەش خىزمەتلىرىنىڭ تۇنجى نۇقتىسىدا ئىدى.
پۇقرالارنى قوغداش ئىدارىسىنىڭ بىلدۈرۈشىچە، ئاز ساندىكى ئۈسكۈنىلەر بىلەن، جۈملىدىن بىر تىراكتور (ئېكىسكاۋاتور) ئارقىلىق، خارابىلىقتىن جەسەتلەرنى چىقىرىش خىزمەتلىرى داۋام قىلىدىكەن.
پەلەستىن دائىرىلىرىنىڭ ئوتتۇرىغا قويۇشىچە، ئىسرائىلىيە قىسىملىرى غەززەنىڭ يېرىمىدىن كۆپرەكىنى ئىشغال قىلغان بولۇپ، ئۇرۇش توختىتىشقا قارىماي، رايوننىڭ باشقا جايلىرىدىكى ھۇجۇملىرىنى داۋاملاشتۇرماقتىكەن.
