تۈركىيە مەدەنىيەت ۋە ساياھەت مىنىستىرلىقىغا قاراشلىق مەدەنىيەت مىراسلىرى ۋە مۇزېيلار باش ئىدارىسى جۈمە كۈنى ئېلان بايانات ئېلان قىلىپ، تۈركىيەدىن كەلگەن ئۈچ پارچە ئەسەر ۋە كۆپەيتىپ ئىشلەنگەن بىر ئەسەرنىڭ رىمدا ئېچىلغان يېڭى كۆرگەزمىدە زىيارەتچىلەرنىڭ ھۇزۇرىغا سونۇلغانلىقىنى بىلدۈردى.

پەيشەنبە كۈنى ئېچىلغان «Cybele – Magna Mater Idaea tra Roma, Tunisi e il Mediterraneo» [كىبېلا – رىم، تۇنىس ۋە ئاقدېڭىز ئارىسىدىكى ماگنا ماتېر ئىدايا] ناملىق كۆرگەزمە، كولوسسېيۇم ئارخېئولوگىيە باغچىسى باشقارمىسى بىلەن تۇنىس دۆلەتلىك مىراس ئىنستىتۇتىنىڭ ھەمكارلىقىدا ئۆتكۈزۈلدى.

تۈركىيە جۇمھۇرىيىتى مەدەنىيەت ۋە ساياھەت مىنىستىرلىقى، ھەر يىلى مىليونلىغان زىيارەتچىنى كۈتۈۋالىدىغان بۇ خەلقئارالىق كۆرگەزمە سۇپىسىدا تۈركىيەگە ئائىت ئەسەرلەرنىڭ ئورۇن ئېلىشىنىڭ «ئەسەرلىرىمىزنىڭ تونۇشتۇرۇلۇشى ۋە ئىتالىيە بىلەن بولغان چوڭقۇر يىلتىزلىق مۇناسىۋىتىمىزنىڭ مۇستەھكەملىنىشى» ئۈچۈن مۇھىم بىر پۇرسەت ئىكەنلىكىنى بىلدۈردى.

كۆرگەزمىدە تۇنىسنىڭ قەدىمكى زاما شەھىرىدىن قېزىۋېلىنغان ئەسەرلەر بىلەن بىرگە جەمئىي 92 پارچە ئەسەر ئورۇن ئالغان. بۇلارنىڭ ئىچىدە ئىتالىيەدىكى مۇزېيلاردىن 30، ۋاتىكاندىن ئۈچ، گىرېتسىيەدىن تۆت، ئامېرىكا قوشما ئىشتاتلىرىدىن ئىككى، گېرمانىيە ۋە دانىيەدىن بىردىن، بۇلغارىيەدىن بەش ۋە بېلگىيەدىن 10 پارچە ئەسەر بار.

كۆرگەزمە 5-نويابىرغىچە زىيارەتچىلەرگە ئوچۇق بولىدۇ.