خىتاي تاشقى ئىشلار مىنىستىرلىقىنىڭ باياناتىغا قارىغاندا، تاشقى ئىشلار مىنىستىرى ۋاڭ يى پورتۇگالىيە تاشقى ئىشلار مىنىستىرى پاۋلو رانگېل (Paulo Rangel) بىلەن كۆرۈشكەندە، خىتاينىڭ ياۋروپا بىلەن بولغان مۇناسىۋىتىنى ياخشىلاش ئۈچۈن تىرىشىدىغانلىقىنى ئېيتقان.
ۋاڭ مۇنداق دېگەن:
«خىتاي ياۋروپانى كۆپ قۇتۇپلۇق دۇنيادىكى مۇھىم قۇتۇپ دەپ قارايدۇ ۋە ياۋروپانىڭ ئىستراتېگىيەلىك ئاپتونومىيەسىنى ساقلاپ قېلىشىنى قوللايدۇ.»
پورتۇگالىيە تاشقى ئىشلار مىنىستىرى پاۋلو رانگېلنىڭ خىتاي زىيارىتى ئارىدىن بەش يىل ئۆتكەندە، بىر يۇقىرى دەرىجىلىك پورتۇگالىيە ھۆكۈمەت ئەمەلدارىنىڭ تۇنجى خىتاي زىيارىتى بولۇپ قالدى. بۇ زىيارەت ۋاشىنگتون بىلەن بېيجىڭ ئوتتۇرىسىدىكى سودا ئۇرۇشى توغرىسىدا ئەندىشەلەر كۈچىيىۋاتقان بىر ۋاقىتقا توغرا كەلدى.
ئامېرىكا پىرېزىدېنتى دونالد ترامپ ئاتلانتىك ئوكيان مۇناسىۋەتلىرى ۋە يەر شارى سودىسىنى ئاستۈن-ئۈستۈن قىلىش بىلەن تەھدىت سېلىۋاتقان بىر ۋاقىتتا، بېيجىڭ ۋە ياۋروپا پايتەختىدىكى يۇقىرى دەرىجىلىك ئەمەلدارلار بىر-بىرىگە قايتىدىن ئىللىق نەزەر سېلىشقا باشلىدى.
فىرانسىيە تاشقى ئىشلار مىنىستىرى ۋە ئىتالىيە كېڭەش پالاتاسىنىڭ رەئىسىمۇ قىسقا ۋاقىت ئىچىدە خىتاينى زىيارەت قىلىپ، خىتاينىڭ يۇقىرى دەرىجىلىك ئەمەلدارلىرى بىلەن كۆرۈشۈشنى پىلان قىلماقتا.
ئامېرىكا پورتۇگالىيەنىڭ ياۋروپا ئىتتىپاقىدىن باشقا ئاساسلىق ئېكسپورت بازىرى ھېسابلىنىدۇ.
پورتۇگالىيە خىتاينىڭ «بىر بەلباغ، بىر يول» پىلانىغا سادىق قالغان غەربىي ياۋروپا دۆلىتىدۇر.
پورتۇگالىيە ئۆتكەن يىلى (2024) ياۋروپا ئىتتىپاقىنىڭ خىتاينىڭ توكلۇق ئاپتوموبىللىرىدىن تاموژنا بېجى ئېلىش ئۈچۈن ئۆتكۈزگەن بېلەت تاشلاشتا بىتەرەپ قالغان ئىدى.
