ئەنگلىيە ساقچىلىرى، تۆت ئىرانلىقنى قوشقاندا جەمئىي بەش ئەرنىڭ «تېرور جىنايىتى» گۇمانى بىلەن نازارەتكە ئېلىنغانلىقىنى بىلدۈردى.
لوندون مېتروپولىتېن ساقچىسى يەكشەنبە كۈنى ئېلان قىلغان باياناتىدا، لوندون، سۋىندون ۋە چوڭ مانچېستېر رايونلىرىدا ئېلىپ بېرىلغان نازارەتكە ئېلىشلارنىڭ «مۇئەييەن بىر جاينى ھۇجۇم نىشانى قىلغان گۇمانلىق بىر پىلان» بىلەن مۇناسىۋەتلىك ئىكەنلىكىنى بىلدۈردى.
يېشى 29 بىلەن 46 ئارىسىدا بولغان شەخسلەرنىڭ «تېرورلۇق ھەرىكىتى تەييارلىقى» سەۋەبىدىن ھازىرمۇ نازارەتتە تۇتۇلۇۋاتقانلىقىنى ئۇقتۇردى. ساقچى، گۇماندارلاردىن بىرىنىڭ دۆلەت تەۋەلىكىنىڭ تېخى ئېنىقلانمىغانلىقىنىمۇ سۆزلىرىگە ئىلاۋە قىلدى.
تەكشۈرۈشنىڭ تېز ئىلگىرىلەۋاتقانلىقىنى ۋە «تەسىرگە ئۇچرىغان جايدىكى مەسئۇللار بىلەن يېقىن ھەمكارلىق ئىچىدە خىزمەت قىلىپ» ئۇلارنى داۋاملىق خەۋەرلەندۈرۈۋاتقانلىقىنى ئەسكەرتكەن لوندون مېتروپولىتېن ساقچىسى تېرورغا قارشى كۈرەش باشلىقى دومىنىك مۇرفي، «تەكشۈرۈش تېخى دەسلەپكى باسقۇچلاردا ۋە مۇمكىن بولغان بىر مەقسەتنى ئېنىقلاش ئۈچۈن ھەر خىل تەكشۈرۈش يوللىرىنى كۆزدىن كەچۈرۈۋاتىمىز. يەنە بۇ مەسىلە بىلەن مۇناسىۋەتلىك ھالدا جامائەتكە قارىتا باشقا بىرەر خەۋپنىڭ بار-يوقلۇقىنىمۇ بېكىتىشكە تىرىشىۋاتىمىز» دېدى.
