سۈرىيەلىك بىر ئەمەلدار دۈشەنبە كۈنى ئېلان قىلغان باياناتىدا، خەۋپسىزلىك كۈچلىرىنىڭ تېررورلۇق تەشكىلاتى ي پ گ بىلەن ھاسىل قىلىنغان كېلىشىم دائىرىسىدە، سۈرىيەنىڭ شىمالىي شەرقىدىكى ھاسەكە ۋىلايىتىنىڭ يېزا رايونىغا جايلاشقان قامىشلى شەھىرىگە كىرگەنلىكىنى ئېيتتى.
بۇ باياناتلار خەۋپسىزلىك كۈچلىرى شەھەرگە كىرىشكە باشلاپ بىر نەچچە سائەتتىن كېيىن، ھاسەكە ئىچكى خەۋپسىزلىك قوماندانى مەرۋان ئەل-ئەلى تەرىپىدىن Alikhbaria تېلېۋىزىيەسىدە ئېلان قىلىندى.
ئەل ئەلى: «بۈگۈن ھاسەكەگە نۇرغۇنلىغان ئاپتوموبىل ۋە ئىچكى ئىشلار مىنىستىرلىقى خادىملىرى كىردى، ئارقىدىنلا شۇنىڭغا ئوخشاش ئاپتوموبىل ۋە قىسىملار قامىشلىغا كىرىدۇ» دېدى، ئەمما ۋاقىت جەدۋىلى تىلغا ئالمىدى.
ئەل ئەلى يەنە: «كېلىشىم ماددىلىرى ئىجرا قىلىنغاندىن كېيىن، ئاسايىش كۈچلىرى ۋە ي پ گ غا قاراشلىق باشقا خەۋپسىزلىك كۈچلىرى ئىچكى ئىشلار مىنىستىرلىقى قۇرۇلمىسىغا بىرلەشتۈرۈلىدۇ. ئېنىقسىز ۋەزىيەت سەۋەبىدىن، ئىغۋاگەرچىلىكلەردىن ساقلىنىش ۋە مۇخبىرلارنىڭ بىخەتەرلىكىگە كاپالەتلىك قىلىش مەقسىتىدە مۇخبىرلارنىڭ ھاسەكە شەھىرىگە كىرىشىگە رۇخسەت قىلىنمايدۇ» دېدى.
ئەل ئەلى يەنە: «ھاسەكەدە تۇرۇۋاتقان خەۋپسىزلىك كۈچلىرى ھازىرقى ئورۇنلىرىدا قالىدۇ ۋە ئوخشاش كۈچلەر قامىشلىغىمۇ كىرىدۇ» دېدى.
تېلېۋىزىيە قانىلى دۈشەنبە كۈنى ئەتىگەن سائەتلەردە، ئىچكى خەۋپسىزلىك كۈچلىرىنىڭ يەرلىك خەلق تەرىپىدىن قىزغىن قارشى ئېلىنىپ ھاسەكەگە كىرگەنلىكىنى خەۋەر قىلغان ئىدى.
ئانادولۇ ئاگېنتلىقىنىڭ بىر مۇخبىرى، ئىچكى خەۋپسىزلىك ئەترىتىنىڭ سەككىز بروۋنىك خادىم توشۇش ماشىنىسى، تۆت دانە تۆت چاقلىق تارتىش كۈچىگە ئىگە ماشىنا، قۇتقۇزۇش ماشىنىلىرى ۋە كۆچمە ئالاقە بۆلۈملىرىدىن تەركىب تاپقانلىقىنى ئېيتتى.
مۇخبىر ئەترەتنىڭ ھاسەكە مەركىزىگە قاراپ ئىلگىرىلەۋاتقانلىقىنىمۇ سۆزىگە ئىلاۋە قىلدى.
سۈرىيەنىڭ ئىچكى خەۋپسىزلىك كۈچلىرى كېلىشىم رامكىسىدا ئەينۇل ئەرەب ناھىيەسىنىڭ جەنۇبىدىكى شۇيۇخ يېزىسىغىمۇ كىردى.
ھۆكۈمەتنىڭ جۈمە كۈنى تېررورلۇق تەشكىلاتى ي پ گ بىلەن ھاسىل قىلىنغانلىقىنى ئېلان قىلغان ھەمدە دۆلەتنىڭ پارچىلىنىشىغا خاتىمە بېرىش ۋە تولۇق بىرلىشىشنىڭ يېڭى بىر باسقۇچىغا ئاساس سېلىشنى مەقسەت قىلىنغان «ئومۇميۈزلۈك كېلىشىم» نىڭ بىر قىسمى سۈپىتىدە بۇ قەدەملەرتاشلاندى.
