تۈركىيە جۇمھۇرىيىتى تاشقى ئىشلار مىنىستىرلىقى بايانات ئېلان قىلىپ، بۈگۈن چۈشتىن بۇرۇن قازاقىستاننىڭ ئاقتاۋ شەھىرى ئەتراپىدا باكۇ-گروزنى سەپىرى ئۈستىدىكى يولۇچىلار ئايرۇپىلانىنىڭ چۈشۈپ كەتكەنلىكىدىن قاتتىق قايغۇرغانلىقىنى بىلدۈردى.

بۇ ۋەقەدە قازا قىلغانلارغا ئاللاھتىن رەھىم-شەپقەت تىلەنگەن، ئائىلە تاۋابىئاتلىرىغا تەزىيە ۋە يارىدارلارنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشلىق بىلدۈرۈلگەن باياناتتا: «بۇ قىيىن كۈنلەردە ئەزەربەيجان ۋە قازاقىستانلىق قېرىنداشلارغا ھەر خىل ياردەملەر بېرىلىدۇ» دېگەن ئىبارىلەرگە ئورۇن بېرىلدى.

خەۋەرلەرگە قارىغاندا، قازاقىستاننىڭ ئاقتاۋ شەھىرى ئەتراپىدا چۈشۈپ كەتكەن ئەزەربەيجان ئاۋىئاتسىيە شىركىتى يولۇچىلار ئايرۇپىلانىدىكى 72 ئادەمنىڭ 25 ى  ھايات قالغان.