ياۋروپا ئىتتىپاقىنىڭ تاشقى مۇناسىۋەتلەر ۋە خەۋپسىزلىك سىياسىتى ئىشلىرى ئالىي ۋەكىلى كاجا كاللاس، «The Irish Times» گېزىتىنىڭ زىيارىتىنى قوبۇل قىلغاندا بەرگەن باياناتىدا، رۇسىيەنىڭ قىرىمنى بېسىۋېلىشىغا قارىتا قوللىنىلغان «قانۇنسىزلىقنى ئېتىراپ قىلماسلىق» پوزىتسىيەسىنىڭ پەلەستىن زېمىنلىرىنى بېسىۋالغان ئىسرائىلىيە كۆچمەنلىرىگىمۇ قوللىنىلىشى كېرەكلىكىنى تەكىتلىدى. كاللاس بۇنداق بىر تىجارەت چەكلىمىسىنى يولغا قويۇش ئۈچۈن 27 ئەزا دۆلەتنىڭ بىردەك ئاۋاز بېرىشىنىڭ شەرت ئەمەسلىكىنى، كۆپ سانلىقنىڭ قوللىشىنىڭ يېتەرلىك ئىكەنلىكىنى ئەسكەرتتى.

فىرانسىيە، پولشا، شىۋېتسىيە، كانادا ۋە ئەنگلىيە قاتارلىق 12 دۆلەت 8-سېنتەبىردە ئورتاق قارار ماقۇللاپ، پەلەستىن زېمىنلىرىنى بېسىۋالغان ئىسرائىلىيە كۆچمەن رايونلىرى بىلەن بولغان تىجارەتنى مەنئى قىلىدىغانلىقىنى جاكارلىغان ئىدى. ئىسرائىلىيە بولسا بۇ ئىقتىسادىي جازالارغا جاۋابەن، ئەنگلىيەنىڭ شەرقىي قۇددۇستىكى پەلەستىن ئىشلىرىغا مەسئۇل كونسۇلخانىسىنى تاقاش قارارى چىقارغانلىقىنى ئۇقتۇردى. كاللاس ياۋروپا دۆلەتلىرىنى خەلقئارا قانۇنغا سادىق بولۇپ، بېسىۋېلىش سىياسەتلىرىگە قارشى تۇرۇشقا چاقىردى.