تۈركىيە ۋە ئىران تاشقى ئىشلار مىنىستىرلىرى رايونلۇق جىددىيچىلىكنى ئازايتىش ئۈچۈن سۆھبەت ئۆتكۈزۈشنىڭ مۇھىملىقىنى تەكىتلىدى.
تۈركىيە جۇمھۇرىيىتى تاشقى ئىشلار مىنىستىرى خاقان فىدان بىلەن ئىران تاشقى ئىشلار مىنىستىرى ئابباس ئاراقچى چارشەنبە كۈنى رايونلۇق جىددىيچىلىكنى پەسەيتىش مەقسىتىدە تاشلىنىۋاتقان قەدەملەر دائىرىسىدە تېلېفوندا كۆرۈشتى.
ئىككى تاشقى ئىشلار مىنىستىرى سەيشەنبە كۈنى ئۆتكۈزگەن تېلېفون سۆھبىتىدىن كېيىن، يېقىنقى 24 سائەت ئىچىدە ئىككىنچى قېتىم تېلېفوندا كۆرۈشتى.
تۈركىيە دىپلوماتىك مەنبەلىرىنىڭ بىلدۈرۈشىچە، خاقان فىدان ئاراقچى بىلەن ئۆتكۈزگەن تېلېفون سۆھبىتى جەريانىدا رايونلۇق جىددىيچىلىكنى ئازايتىش ئۈچۈن سۆھبەت ئۆتكۈزۈشنىڭ مۇھىملىقىنى تەكىتلىگەن.
رىيالنىڭ قىممىتىنىڭ ئادەتتىن تاشقىرى دەرىجىدە چۈشۈپ كېتىشى ۋە ئىقتىسادىي شارائىتنىڭ يامانلىشىشى سەۋەبىدىن، ئىران 28-دېكابىر كۈنى تېھران چوڭ بازىرىدا باشلانغان نامايىش دولقۇنى بىلەن سىلكىنمەكتە.
نامايىشلار باشقا شەھەرلەرگىمۇ كېڭەيدى
ھۆكۈمەت دائىرىلىرى ئامېرىكا ۋە ئىسرائىلىيەنى «ئىسيان» ۋە «تېررورىزم» نى قوللاش بىلەن ئەيىبلىدى.
نامايىشلاردا ھاياتىدىن ئايرىلغانلار سانى رەسمىي ئاشكارىلانمىغان بولسىمۇ، ئامېرىكا مەركەزلىك بىر كىشىلىك ھوقۇق تەشكىلاتى ئۆلگەنلەر سانىنىڭ دۆلەت خەۋپسىزلىك كۈچلىرى خادىملىرى ۋە نامايىشچىلار بىلەن قوشۇلۇپ 2 مىڭ 550 دىن ئاشقانلىقىنى، 1 مىڭ 134 تىن ئارتۇق كىشىنىڭ يارلانغانلىقىنى تەخمىن قىلماقتا.
