تۈركىيە ھاۋا ئارمىيە كوماندانلىقىغا قاراشلىق 181-جېت ئېسكادرا كوماندىرلىقى ناتو نىڭ 72-تۈركۈمدىكى كېڭەيتىلگەن ھاۋا كۆزىتىش نۆۋەتچىلىك ۋەزىپىسىنى ئۆتكۈزۈۋالدى.

مىنىستىرلىقنىڭ ئاممىۋى تاراتقۇ سۇپىسى NSosyal دىكى ھېسابىدا ئېلان قىلىنغان باياناتتا كۆرسىتىلىشىچە، ھاۋا ئارمىيە كوماندىرلىقىغا قاراشلىق 181-جېت ئېسكادرا كوماندىرلىقى 29-ئىيۇل كۈنى ئېستونىيەنىڭ ئامارى  ھاۋا ئارمىيە بازىسىغا ئورۇنلىشىش خىزمىتىنى تولۇق ئاياغلاشتۇرغان.

كوماندىرلىقنىڭ 30- ۋە 31-ئىيۇل كۈنلىرى ئاتراپنى تونۇش ۋە ئايلىنىش ئۇچۇشلىرىنى ئېلىپ بارغانلىقى، پىلانلىق يىغىنلار ۋە بارلىق تەييارلىقلارنىڭ پۈتكەنلىكى بىلدۈرۈلگەن باياناتتا يەنە مۇنداق دېيىلدى:

«31-ئىيۇل كۈنى ئېستونىيە تەرەپ تەشكىللىگەن ۋەزىپە ئۆتكۈزۈپ بېرىش مۇراسىمىغا ناتو ۋەكىلى (ھاۋا قوماندانلىق-كۆزىتىش يېتەكچىسى) ئالباي كېيىس د. ئامكېي،  ئېستونىيە قوراللىق قۇۋۋەتلەر مىنىستىرى ھاننو پەۋكۇر، پورتۇگالىيە دۆلەت مۇداپىئە مىنىستىرى ژوئاۋ نۇنو دپ لاسىئەردا تەيكسېيرا دپ مېلو، تۈركىيە ۋەكىلى، تاللىن باش ئەلچىسى باشاق تۈركئوغلۇ ھەمدە ھاۋا ئارمىيە كوماندانلىقى خادىملىرى قاتناشتى. 181-جېت ئېسكادرا كوماندىرلىقىمىز 2026-يىلى 1-ئاۋغۇستتا شۇ يەرنىڭ ۋاقتى سائەت 09:00 دىن باشلاپ ناتو نىڭ 72-تۈركۈمدىكى كېڭەيتىلگەن ھاۋا كۆزىتىش نۆۋەتچىلىك ۋەزىپىسىنى تاپشۇرۇپ ئالدى. ۋەزىپە ئۆتەش مەزگىلىدە 24 سائەتلىك يۇقىرى تەييارلىق بىلەن نۆۋەتچىلىك قىلىنىدىغان بولۇپ، ناتو ۋە ئېستونىيە ھاۋا ئارمىيەسى بىلەن بىرلىكتە ئورتاق ۋەزىپىلەر ئورۇنلىنىدۇ.»