ئابدۇلفەتتاھ ئەسسىسى غەززە ئۇرۇش توختىتىش كېلىشىمىنىڭ ئىككىنچى باسقۇچىنىڭ «تولۇق» ئىجرا قىلىنىشىنى چاقىرىق قىلدى.
مىسىر پىرېزىدېنتى ئابدۇلفەتتاھ ئەسسىسى شەنبە كۈنى ئوتتۇرا شەرق خەرىتىسىنى قايتىدىن سىزىشقا قارىتىلغان «قەستەن تىرىشچانلىقلار» بارلىقىنى ئاگاھلاندۇردى.
سىسى سىنانىڭ ئىسرائىلىيە ئىشغالىيىتىدىن ئازاد قىلىنغانلىقىنىڭ 44 - يىللىقى مۇناسىۋىتى بىلەن قىلغان تېلېۋىزىيە نۇتقىدا: «ئوتتۇرا شەرق خەرىتىسىنى قايتىدىن سىزىشقا قارىتىلغان قەستەن تىرىشچانلىقلار ئىچىدە خەتەرلىك شارائىتلارنى باشتىن كەچۈرۈۋاتىدۇ» دېدى.
سىسى ئۆتكەن ئۆكتەبىردە ھاسىل قىلىنغان غەززە ئۇرۇش توختىتىش كېلىشىمىنىڭ ئىككىنچى باسقۇچىنىڭ، ئىنسانپەرۋەرلىك ياردەملەرنىڭ توسالغۇسىز كىرىشى ۋە پەلەستىن زېمىنلىرىنى قايتىدىن قۇرۇپ چىقىشنىڭ دەرھال باشلىنىشىنى ئۆز ئىچىگە ئالغان ھالدا «تولۇق» ئىجرا قىلىنىشى كېرەكلىكىنى چاقىرىق قىلدى.
ئىسرائىلىيەنىڭ 2023-يىلى ئۆكتەبىردىن بۇيان غەززەگە قارشى ئېلىپ بېرىۋاتقان ئىككى يىللىق قىرغىنچىلىق ئۇرۇشى، كۆپىنچىسى ئاياللار ۋە بالىلار بولۇپ جەمئىي 72 مىڭ 500 دىن ئارتۇق پەلەستىنلىكنى ئۆلتۈرۈپ، رايوننى خارابىلىققا ئايلاندۇردى.
ئۇرۇش توختىتىشنىڭ تۇنجى باسقۇچىدا ئىسرائىلىيەلىكلەر بىلەن پەلەستىنلىكلەر ئارىسىدا ئەسىر ئالماشتۇرۇش ئېلىپ بېرىلدى، ئەمما ئىسرائىلىيە ياردەملەرنى چەكلەش، رەفاھ چېگرا ئېغىزىدىن كىرىشنى چەكلەش ۋە نۇپۇس زىچ پەلەستىن زېمىنلىرىدىن چېكىنىشنى كېچىكتۈرۈش قاتارلىق قىلمىشلىرى بى؛ەن شەرتلەرگە خىلاپلىق قىلماقتا.
مىسىر پىرېزىدېنتى سىسى يەنە مىسىرنىڭ، پەلەستىنلىكلەرنى يۇرت-ماكانلىرىدىن قوغلاپ چىقىرىشقا قارىتىلغان ھەر قانداق ئۇرۇنۇشنى كەسكىن رەت قىلىدىغانلىقىنى بىلدۈردى.
