سىياسەت
2 مىنۇت ئوقۇش
پاناما «چوڭ ئاپەت» ھالىتى ئېلان قىلدى
پانامادا 7.7 بال كۈچلۈك يەر تەۋرەپ، بىنا ۋە يوللارنى ۋەيران بولدى. ئوتتۇرا ئامېرىكا دۆلىتىنى زىلزىلىگە سالغان بۇ كۈچلۈك يەر تەۋرەشتىن كېيىن، پايتەختتىكى ئېگىز بىنالاردا ۋەھىمە پەيدا بولدى.
پاناما «چوڭ ئاپەت» ھالىتى ئېلان قىلدى
پانامادىكى يەر تەۋرەشلەردە ئۆرۈلۈپ چۈشكەن بىنالار، زىيانغا ئۇچرىغان ئاپتوموبىللار، كوچىلاردىكى خارابىلىكلەر ۋە قېچىۋاتقان ئاھالىلەر. / Reuters

پاناما پىرېزىدېنتى جوسې راۋۇل مۇلىنو جۈمە كۈنى (2026-يىلى 9-ئۆكتەبىر) دىكى يەر تەۋرەشنى «چوڭ ئاپەت» دەپ ئاتىدى.

مەلۇم بولۇشىچە، يەر تەۋرەش مەركىزى ئەتراپىدىكى يوللار يەر تەۋرەشتە ۋەيران بولغان. ھۆكۈمەتنىڭ بىلدۈرۈشىچە، تەخمىنەن بىر مىنۇت داۋاملاشقان بۇ يەر تەۋرەش 4.5 مىليون نوپۇسلۇق دۆلەتنىڭ ھەممىلا يېرىدە ھېس قىلىنغان. پايتەختتىكى ئېگىز بىنالاردا ئولتۇرۇشلۇق كىشىلەر قورقۇنچ ئىچىدە سىرتقا قاچقان.

ئامېرىكا گېئولوگىيە ئىدارىسى يەر تەۋرەش مەركىزىنىڭ خېرېرا ئۆلكىسىدىكى پىتالوزا ئاررىبا بازىرىدىن 10 كىلومېتىر يىراقلىقتا ئىكەنلىكىنى ۋە كۈچىنىڭ 7.7 بال ئىكەنلىكىنى بىلدۈردى. تىنچ ئوكياننىڭ شەرقىي قىسمى ئۈچۈن چىقىرىلغان دېڭىز تاشقىنى ئاگاھلاندۇرۇشى بىكار قىلىندى. پاناما قانىلىنى باشقۇرۇش ئىدارىسى تىنچ ئوكيان ۋە ئاتلانتىك ئوكياننى تۇتاشتۇرىدىغان قانالنىڭ نورمال ئىشلەۋاتقانلىقىنى ۋە ھېچقانداق زىيان-زەخمەت يەتمىگەنلىكىنى بىلدۈردى.

پاناما سەھىيە مىنىستىرى فېرناندو بويدنىڭ ئېيتىشىچە، بۇ قېتىمقى يەر تەۋرەشتە خېرېرا، كوكلې ۋە لوس سانتوس

ئۆلكىلىرى ئەڭ ئېغىر زىيانغا ئۇچرىغان. لوس سانتوسنىڭ تونوسى بازىرى بىلەن بولغان ئالاقە پۈتۈنلەي ئۈزۈلۈپ قالغان. پاناما شەھىرىنىڭ خەلقئارا ئايرودۇرۇمى ۋاقىتلىق تاقالغان، بىر قىسىم ئايروپىلانلار باشقا ئايرودۇرۇملارغا يۆتكەلگەن. كولومبىيە، ئېكۋادور ۋە گىۋاتېمالا رەھبەرلىرى ھەمكارلىق ۋە ياردەم بېرىش تەكلىپلىرىنى يەتكۈزگەن.

يەرلىك گېئولوگىيە ئىنستىتۇتى 80 دىن ئارتۇق قالدۇق تەۋرەش (aftershock) نى مەلۇم قىلغان بولۇپ، ئۇلارنىڭ بىرىنىڭ كۈچى 6.0 بالدىن ئاشقان.

پاناما مائارىپ مىنىستىرلىقى مەملىكەت بويىچە مەكتەپلەردە ئوقۇش توختىتىلغانلىقىنى ئېلان قىلدى. لاتىن ئامېرىكاسى ۋە كارىب دېڭىزى تەرەققىيات بانكاسى پاناما ئۈچۈن 50 مىليون دوللارلىق ئىناۋەتلىك قەرز لىنىيەسى ئاچقان، شۇنداقلا 250 مىڭ دوللار ئىئانە قىلدى.

ئىزدىنىڭ
جەنۇبىي كورېيە ھورمۇز بوغۇزىغا يېقىن جايغا ئەسكەر ئورۇنلاشتۇرىدۇ
ئامېرىكا كېڭەش پالاتا ئەزاسى ساندېرس: ئىران بىلەن بولغان ئۇرۇش قىلىش ئاساسىي قانۇنغا خىلاپ
چىفتچى: ئىتالىيە بىلەن بولغان بىخەتەرلىك ھەمكارلىقىمىزنى تېخىمۇ ئىلگىرى سۈرۈشنى نىشان قىلىۋاتىمىز
زېلېنىسكىي ترامپنىڭ ۋەكىللىرى كۇشنېر ۋە ۋىتكوف بىلەن تېلېفونلاشتى
فەنەرباھچە كوماندىسى «ئەنگلىيە گىگانتى» لىۋېرپولنى يەڭدى
پاكىستان «ھاۋادىن ھاۋاغا» ئېتىلىدىغان باشقۇرۇلىدىغان بومبىسىنى سىناق قىلدى
خىتاي «ئامېرىكا بىلەن ھەمكارلىشىشقا تەييار» ئىكەنلىكى ئۇچۇرىنى بەردى
بىر ۋارىل برېنت نېفىتى 103.96 دوللاردىن سېتىلماقتا
سۈنئىي ئەقىلنىڭ ئاتىسى گېئوففرېي ھىنتون: ئەسلا تەرەققىي قىلدۇرۇلمىغان بولسا تېخىمۇ ياخشى بولاتتى
ئىران پارلامېنت باشلىقى: ئامېرىكا خەلقى ئۇرۇشقا ياق دېدى، بىز بۇ ئۇچۇرنى قوللايمىز
2026-يىللىق ئامېرىكا ئوتتۇرا مەزگىللىك سايلىمى: دېموكراتلار كېڭەش پالاتاسىدا كۆپ سانلىقنى ئىگىلىدى
ياۋروپالىق ئوت ئۆچۈرگۈچىلەر بىريۇسسېلدا خامچوت قىسقارتىشقا قارشى نامايىش ئۆتكۈزدى
كىرېمىل: پۇتىن، ترامپ ۋە شى ئوتتۇرىسىدا كۆرۈشۈش تەييارلىقى داۋاملاشماقتا
تېھراندىكى ئىنقىلاب مەيدانىغا ترامپنى قەستلەش نىشان قىلىنغان پىلاكات ئېسىلدى
رۇسىيە تۈرك دۆلەتلىرى تەشكىلاتى خىزمىتىگە قاتنىشىشقا يېشىل چىراغ ياقتى