يەرلىك تاراتقۇلارنىڭ خەۋىرىگە قارىغاندا، ھىندونېزىيە جۈمە كۈنى ئىككى نەپىرى چەت ئەللىك بولۇپ جەمئىي ئۈچ كىشى ھاياتىدىن ئايرىلغان يانار تاغ پارتلىشىدىن كېيىن، قاپسىلىپ قالغان تاغقا ياماشقۇچىلارنى قۇتقۇزۇش ھەرىكىتىنى باشلىغان.
ھىندونېزىيە دۆلەتلىك ئاپەتنىڭ ئالدىنى ئېلىش ۋە باشقۇرۇش ئىدارىسى (BNPB) بايانات ئېلان قىلىپ: «دۇكونو تېغى رايونىدا يۈز بەرگەن بىر ۋەقەدە ئىككى ساياھەتچىنىڭ ھاياتىدىن ئايرىلغانلىقى ھەققىدە خەۋەرلەر بار» دېدى.
ساقچى ئەمەلدارى ئېرلىكسون پاسارىبۇمۇ بەرگەن باياناتىدا: «ئۈچ كىشى ئۆلدى. بۇ ئۈچ كىشىنىڭ ئىككىسى چەت ئەللىك، تەخمىنەن 20 تاغقا ياماشقۇچى بولسا قاپسىلىپ قالدى» دېدى.
دائىرىلەر تاغقا ياماشقۇچىلارنى قۇتقۇزۇش ئۈچۈن مەخسۇس گۇرۇپپىلارنى ئەۋەتتى. پەيشەنبە كۈنى سائەت 07:41 ئەتراپىدا پارتلىغان يانار تاغ تەخمىنەن 10 كىلومېتىر ئېگىزلىككىچە تۈتۈن بۇلۇتلىرىنى چاچقان.
