پولات گۈمبەز ھاۋا مۇداپىئە سىستېمىسى تېكنوفەستتە كۆرگەزمە قىلىندى

تۈركىيەنىڭ مۇداپىئە شىركىتى ئاسالسان (ASELSAN) تېكنوفەست ئىستانبۇلدا، پولات گۈمبەز سىناق رايونى قۇرۇپ، زىيارەتچىلەرگە ھاۋا تەھدىتلىرىگە قارشى سىستېمىنىڭ قانداق ئىشلەيدىغانلىقىنى كۆرسىتىدىغان تەقلىدىي سىناق قىلىش پۇرسىتى يارىتىپ بەردى.

بەش كۈن داۋام قىلىدىغان تېخنولوگىيە ۋە ئاۋىياتسىيە پائالىيىتى تېكنوفەست، چارشەنبە كۈنى (17-سېنتەبىر) ئىستانبۇلدا باشلاندى. بۇ پائالىيەت تۈركىيە تېخنولوگىيە كوماندىسى (T3) فوندى جەمئىيىتى ۋە تۈركىيە جۇمھۇرىيىتى سانائەت ۋە تېخنولوگىيە مىنىستىرلىقى تەرىپىدىن ئۇيۇشتۇرۇلدى.

فېستىۋال دائىرىسىدە، تېخنىكا مۇسابىقىلىرىدىن تارتىپ ئۇچۇش ماھارىتى كۆرسىتىشكىچە نۇرغۇن پائالىيەتلەر ئۆتكۈزۈلدى. پولات گۈمبەز ھاۋا مۇداپىئە سىستېمىسى كۆرگەزمە قىلىندى.

ئىلغار كۆرسىتىش تېخنولوگىيەلىرى ئارقىلىق، زىيارەتچىلەرگە پولات  گۈمبەز سىستېمىسىنىڭ تەھدىتتىن قانداق قوغدايدىغانلىقى كۆرسىتىلدى.

تۈرك شىركىتى TF6000 نى سىناق قىلماقتا

تۇساش (TUSAŞ) موتور سانائىتى ھەسسىدارلىق شىركىتى (TEI)، پۈتۈنلەي ئۆزى لايىھەلەپ تەرەققىي قىلدۇرغان ۋە ئىشلەپچىقارغان تۇربوفان موتورى TF6000 نى سىناق قىلدى.

شىركەتنىڭ باش دىرېكتورى ماخمۇت ئاقشىت، بۇ موتورنىڭ تۈركىيەنىڭ «3-ئانقا» (Anka 3) كە ئوخشاش ئۇچقۇلار ئۈچۈن لايىھەلەنگەنلىكىنى بىلدۈردى.

ئۇ بۇ موتورنىڭ يەنە بىر نۇسخىسى بولغان ۋە 10،000 Ibf ياكى ئۇنىڭدىن يۇقىرى ئىتتىرىش كۈچىگە ئىگە TF10000 نىڭ تۈركىيەنىڭ «قىزىل ئالما» (Kızılelma) غا ئوخشاش تېخىمۇ چوڭ ئايروپىلانلىرىغىمۇ سەپلىنىدىغانلىقىنى ئەسكەرتتى.

ئۇ: «TF6000 موتورىنىڭ كۈچىنى 10 مىڭ ئات ئىتتىرىش كۈچىگە چىقىرىمىز» دېدى.