ئىشغالىيەت ئاستىدىكى شەرقىي قۇددۇستا يېڭى ئوقۇش يىلى باشلىنىدىغان بۈگۈنكى كۈندە، خۇسۇسىي پەلەستىن مەكتەپلىرى ئىسرائىلىيەنىڭ بېسىملىرىغا نارازىلىق بىلدۈرۈپ، ئوقۇشنى نامەلۇم مۇددەتكە كېچىكتۈردى. مەكتەپ مۇدىرىيەتلىرىنىڭ بىلدۈرۈشىچە، ئىسرائىلىيە دائىرىلىرى ئىيوردان دەرياسىنىڭ غەربىي قىرغىقىدىن كېلىدىغان ئوقۇتقۇچىلار ۋە خادىملارغا كىرىش رۇخسىتى بەرمىگەن. بۇ سەۋەبتىن مەكتەپلەردە ساغلاملىق، تازىلىق ۋە خەۋپسىزلىك جەھەتتىكى تەييارلىقلار تاماملىنالمىغان. شۇنىڭ بىلەن بىر ۋاقىتتا، ئىسرائىلىيە قۇددۇس شەھەرلىك ھۆكۈمىتىگە قاراشلىق مەكتەپلەردىكى 45 مىڭدىن ئارتۇق پەلەستىنلىك ئوقۇغۇچىغا «ئىسرائىلىيە ئوقۇش پىروگراممىسى» نى مەجبۇرىي تېڭىۋاتقان بولۇپ، پەلەستىن تەرەپ بۇنى پەلەستىن كىملىكىنى يوقىتىشقا قاراتقان بىر ھۇجۇم دەپ ئەيىبلىدى.
تەۋسىيە
