ئىسرائىلىيەنىڭ «يەدىئوت ئاخرونوت گېزىتى»، ئىسرائىلىيەنىڭ ۋاتىكاننىڭ تېل ئاۋىۋدا تۇرۇشلۇق باش ئەلچىسى نونىنسىئو ئادولفو يىلانانى مىنىستىرلىققا چاقىرتىپ، تېل ئاۋىۋ ھۆكۈمىتىنىڭ پاپانىڭ تەنقىدىدىن ئۈمىدسىزلەنگەنلىكىنى ئۇقتۇرغانلىقىنى خەۋەر قىلدى.
كاتولىكلارنىڭ مەنىۋى داھىيسى ۋە ۋاتىكان رەھبىرى پاپا فرانسىس 22-دېكابىر ئەنئەنىۋى يەكشەنبە دۇئاسى جەريانىدا سۆز قىلىپ: «چوڭقۇر ئازاب ئىچىدە غەززە ھەققىدە ئويلىنىمەن؛ شۇنچە كۆپ زۇلۇم، پىلىموتلار بىلەن ئېتىلىۋاتقان بالىلار، بومباردىمان قىلىنغان مەكتەپلەر ۋە دوختۇرخانىلار... نەقەدەر ئېغىر زۇلۇم» دېگەنىدى.
ئۇ 21 –دېكابىردىمۇ ئىسرائىلىيەنىڭ غەززەگە ھاۋادىن ھۇجۇم قىلىشىنى تەنقىد قىلىپ: «تۈنۈگۈن ئۇلار ئىلگىرى رۇخسەت قىلغان بولسىمۇ، پاتىريارك (كاردىنال پىئېرباتىستا پىزابالا) نىڭ غەززەگە كىرىشىگە يول قويمىدى، تۈنۈگۈن بالىلار بومباردىمان قىلىندى. بۇ ئۇرۇش ئەمەس، بەلكى زۇلۇم. مېنىڭ بۇ گەپنى دېگۈم بار، چۈنكى ئۇ يۈرەكلەرنى داغلىماقتا» دېگەنىدى.
ئىسرائىلىيەنىڭ 2023- يىلى7 -ئۆكتەبىردىن بۇيانقى غەززەگە قاراتقان ھۇجۇملىرىدا 17 مىڭ 492 سى بالا ۋە 11 مىڭ 979 ى ئايال بولۇپ، جەمئىي 45 مىڭ 361 پەلەستىنلىك قازا قىلدى، 107 مىڭ 803 كىشى يارىلاندى.
خەۋەرلەرگە قارىغاندا، خارابىلىكلەرنىڭ ئاستىدا يەنە مىڭلارچە ئادەمنىڭ جەسىتى بار ئىكەن، ئىسرائىلىيە پۇقرالار پاناھلىنىۋاتقان دوختۇرخانا ۋە مائارىپ ئاپپاراتلىرىغا ھۇجۇم قىلىپ، پۇقرالار ئۇل ئەسلىھەلىرىنى ۋەيران قىلماقتا ئىكەن.
