10-ئۆكتەبىردىن بۇيان ئىجرا قىلىنىۋاتقان ئۇرۇش توختىتىش كېلىشىمىگە قارىماي، شاھىتلار چارشەنبە كۈنى ئەتىگەندە ئىسرائىلىيە ئارمىيەسىنىڭ غەززەدىكى بىرنەچچە رايوننى توپقا تۇتقانلىقىنى بىلدۈردى.
شاھىتلارنىڭ ئېيتىشىچە، ئىسرائىلىيە توپچى قىسىملىرى خان يۇنۇسنىڭ شەرقىي جەنۇبى بىلەن غەززەنىڭ جەنۇبىغا جايلاشقان رەفاھنىڭ شىمالىدىكى موراگ كارىدورى ئەتراپىنى توپقا تۇتقان.
غەززەنىڭ مەركىزىدە بولسا، ئىسرائىلىيە توپچى قىسىملىرى ھەربىي ئاپتوموبىللار ۋە توپا ئىتتىرىش ماشىنىلىرى بىلەن دەير ئەلبەلەخ شەھىرىگە شەرقىي شىمال تەرەپتىن بېسىپ كىرگەن، ئاندىن توپا ئىتتىرىش ماشىنىلىرى بىلەن رايوندىكى شىددەتلىك ئوق ئاۋازلىرى ئارىسىدا قېزىش پائالىيەتلىرىنى ئېلىپ بارغان.
ئىسرائىلىيە توپچى قىسىملىرى يەنە غەززەدىكى جەبالىيە مۇساپىرلار لاگېرىنىڭ شەرقىي قىسىملىرىنىمۇ توپقا تۇتقان.
ئۆلۈم-يېتىم ئەھۋالى ھەققىدە ھازىرچە ئۇچۇر يوق
غەززە سەھىيە مىنىستىرلىقىنىڭ بىلدۈرۈشىچە، ئۇرۇش توختىتىلغاىندىن بۇيان ئىسرائىلىيەنىڭ ھۇجۇملىرىدا كەم دېگەندە 393 كىشى ھاياتىدىن ئايرىلغان، 1074 كىشى يارىلانغان.
ئىسرائىلىيە 2023-يىلى ئۆكتەبىردىن بۇيان غەززەدە داۋاملاشتۇرۇۋاتقان ئىرقىي قىرغىنچىلىق ئۇرۇشىدا كۆپىنچىسى ئاياللار ۋە بالىلاردىن تەشكىل تاپقان تەخمىنەن 70 مىڭ 700 كىشىنى ئۆلتۈرگەن، 171 مىڭدىن ئارتۇق كىشىنى يارىلاندۇرغان ۋە رايوننى خارابىلىككە ئايلاندۇرغان.
