سەيشەنبە كۈنى ئېلان قىلىنغان رەسمىي سانلىق مەلۇماتلارغا ئاساسلانغاندا، نېپال-خىتاي چېگرا لىنىيەسى بويىچە يۈز بەرگەن كەلكۈن ئاپىتىدە ئۆلگەنلەر سانى 1 مىڭ 400 گە يەتكەن بولۇپ، 5 مىڭ 800 دىن ئارتۇق كىشىنىڭ تەقدىرى تېخى نامەلۇم.

نېپال دۆلەتلىك ئاپەت زىيىنىنى ئازايتىش ۋە باشقۇرۇش ئىدارىسى، ئاپەت رايونىدىن 1 مىڭ 357 جەسەتنىڭ چىقىرىلغانلىقىنى، 587 نەپىرى چەت ئەللىك بولۇپ جەمئىي 5 مىڭ 326 كىشىنىڭ يوقاپ كەتكەنلىكىنى ئاشكارىلىدى.

چېگرانىڭ خىتاي تەرىپىدىكى تىبەت رايونىدا بولسا، چوڭ كۆلەملىك تاغ گۈمۈرۈلۈپ چۈشۈش ۋەقەسىدە 43 كىشى ئۆلگەن، 519 كىشى يوقاپ كەتكەن.

ئىككى دۆلەتنىڭ رەسمىي مەلۇماتىغا قارىغاندا، يوقاپ كەتكەنلەرنىڭ 848 نەپىرى چەت ئەل پۇقراسى ئىكەن.

 خىتاي ھۆكۈمىتى نېپالغا تۆتىنچى تۈركۈمدىكى جىددىي ياردەم ماتېرىياللىرىنى ئەۋەتتى.

خىتاي تاشقى ئىشلار مىنىستىرلىقىنىڭ باياناتچىسى ماۋ نىڭ، خىتاينىڭ بۇ قىيىن كۈنلەردە نېپالنى داۋاملىق قەتئىي قوللايدىغانلىقىنى بىلدۈردى.

رايوندا ئىزدەش-قۇتقۇزۇش خىزمەتلىرى ئۈزلۈكسىز داۋاملاشماقتا.