جۇمھۇر رەئىس رەجەپ تاييىپ ئەردوغان ئامېرىكا پىرېزىدېنتى دونالد تىرامپ بىلەن تېلېفوندا كۆرۈشتى.
ئىككى رەھبەر تۈركىيە بىلەن ئامېرىكا قوشما ئىشتاتلىرى ئوتتۇرىسىدىكى ئىككى تەرەپلىك مۇناسىۋەتلەردىن سىرت، رايونلۇق ۋە يەرشارىۋى ئۆزگىرىشلەرنى مۇزاكىرە قىلدى.
تەۋسىيە
جۇمھۇر رەئىسلىك مەھكىمىسى ئۇچۇر-ئالاقە ئىدارىسى تەرىپىدىن ئېلان قىلىنغان باياناتقا قارىغاندا، ئەردوغان تىرامپقا ئىككى دۆلەت ئوتتۇرىسىدىكى ھەمكارلىقنىڭ تېخىمۇ تەرەققىي قىلىشىنى كۈتىدىغانلىقىنى ئىپادىلىگەن ۋە ئالدىمىزدىكى مەزگىلدە ئۆزئارا رىشتىنى كۈچەيتىش ئۈچۈن تىرىشچانلىق كۆرسىتىدىغانلىقىنى بىلدۈرگەن.
ئىران بىلەن ئامېرىكا قوشما ئىشتاتلىرى ئوتتۇرىسىدىكى جىددىيچىلىك ئۈستىدىمۇ توختالغان ئەردوغان، بۇ ئەھۋالنىڭ ئاخىرلىشىشى كېرەكلىكىنى تەكىتلەپ، ئىختىلاپلارنى دىپلوماتىيە يولى بىلەن ھەل قىلىشقا چاقىرغان.
