شىنخۇا ئاگېنتلىقىنىڭ خەۋىرىگە قارىغاندا، قارا يامغۇر سەۋەبىدىن بېيجىڭدىن 80 مىڭدىن ئارتۇق ئادەم تارقاقلاشتۇرۇلغان. خىتاي دۆلەت رەئىسى شى جىنپىڭ تالاپەتنى ئەڭ تۆۋەن چەككە چۈشۈرۈش ئۈچۈن ئومۇميۈزلۈك ئىزدەش – قۇتقۇزۇش خىزمىتى ئىشلەش توغرىسىدا يوليورۇق چۈشۈرگەن.

شىنخۇا ئاگېنتلىقى سەيشەنبە كۈنى، بېيجىڭ ۋە ئەتراپىدىكى ئۆلكىلەردە قارا يامغۇرنىڭ دۈشەنبە كۈنى كۈچەيگەنلىكىنى، پايتەختنىڭ شىمالىي رايونلىرىدا داۋاملاشقان بۇ «قارا يامغۇر» نىڭ 543.4 مىللىمېتىرغا يەتكەنلىكىنى خەۋەر قىلدى.

بېيجىڭنىڭ شىمالىدىكى تاغلىق رايونلىرىدا ئادەم ئۆلۈش ئەھۋالى كۆرۈلگەن بولۇپ، 28 كىشى مىيۈندا، 2 كىشى يەنچىڭدا ھاياتىدىن ئايرىلغان.

شىنخۇا ئاگېنتلىقىنىڭ خەۋىرىگە قارىغاندا، قارا يامغۇر سەۋەبىدىن بېيجىڭدىن 80 مىڭ 322 كىشى تارقاقلاشتۇرۇلغان.

شى جىنپىڭ تالاپەتنى ئەڭ تۆۋەن چەككە چۈشۈرۈش ئۈچۈن ئومۇميۈزلۈك ئىزدەش – قۇتقۇزۇش خىزمىتى ئىشلەش توغرىسىدا يوليورۇق چۈشۈرگەن.

شىنخۇا ئاگېنتلىقىنىڭ خەۋىرىگە قارىغاندا، شى جىنپىڭ قارا يامغۇر ۋە كەلكۈن ئاپەتلىرىدە بېيجىڭ، خېبېي، جىلىن ۋە شەندۇڭ قاتارلىق جايلاردا ئادەم ئۆلۈش ۋە يارىلىنىش ئەھۋالى ھەم ماددىي زىيان كۆرۈلگەنلىكىنى ئېيتقان.