سۈرىيە تاراتقۇلىرىنىڭ خەۋەر قىلىشىچە، ئىسرائىلىيە ئارمىيەسى دۈشەنبە كۈنى دۆلەتنىڭ جەنۇبىدا ئېلىپ بارغان چېگراغا دەخلى - تەرۇز قىلىش ھەرىكەتلىرى جەريانىدا نۇرغۇن ئۆيلەرنى تەكشۈرگەن ۋە بىر تەكشۈرۈش پونكىتى قۇرغان.
«ئەلئىخبارىييە تېلېۋىزىيەسى» نىڭ خەۋىرىدە بىلدۈرۈلۈشىچە، ئىسرائىلىيە ئەسكەرلىرى دىرئە ۋىلايىتىنىڭ غەربىي يېزىلىرىدىكى مائارىيە كەنتىدە ئېلىپ بارغان تەكشۈرۈش ھەرىكىتى جەريانىدا بىر قىسىم ئۆيلەرگە باستۇرۇپ كىرگەن. شۇنداقلا قوشنا ۋىلايەت قۇنەيتراغا جايلاشقان ئەين ئەننۇرىييە - خان ئارنابا يولىدا بىر تەكشۈرۈش پونكىتى قۇرغان.
بۇ ۋەقەلەر ئىسرائىلىيەنىڭ سۈرىيە زېمىنلىرىغا قارىتا قايتا - قايتا ئېلىپ بېرىۋاتقان دەخلى - تەرۇز قىلىش ھەرىكەتلىرى داۋاملىشىۋاتقان بىر مەزگىلدە يۈز بەردى.
سۈرىيە دۆلەت رەئىسى ئەھمەد شارا ئۆتكەن ھەپتە بىرلەشكەن دۆلەتلەر تەشكىلاتى ئومۇمىي كېڭىشىنىڭ 81 - نۆۋەتلىك يىغىنىدا سۆزلىگەن نۇتىقىدا مەزكۇر دەخلى - تەرۇزلار توغرىسىدا توختالغان ئىدى.
ئەھمەد شارا ئىسرائىلىيەنىڭ 2024 - يىلىنىڭ ئاخىرىدىن بۇيان سۈرىيەگە قارىتا تەخمىنەن 500 قېتىم ھاۋا ۋە توپچىلار ھۇجۇمى ئۇيۇشتۇرغانلىقىنى، دۆلەت زېمىنىغا 1200 قېتىمدىن ئارتۇق باستۇرۇپ كىرگەنلىكىنى ۋە تەخمىنەن 300 كىشىنى قولغا ئالغانلىقىنى بىلدۈرگەن ئىدى.
