رۇسىيە رۇمىنىيەنىڭ موسكۋادا تۇرۇشلۇق ئەلچىخانىسىدا خىزمەت قىلىدىغان بىر دىپلوماتنى «قارشى ئېلىنمايدىغان كىشى» ئېلان قىلغانلىقىنى بىلدۈردى.
رۇسىيە تاشقى ئىشلار مىنىستىرلىقى تەرىپىدىن ئېلان قىلىنغان يازما باياناتتا، رۇمىنىيەنىڭ بۇنىڭدىن ئىلگىرى بىر رۇسىيەلىك دىپلوماتنى چېگرادىن قوغلاپ چىقىرىش قارارى چىقارغانلىقى ئەسكەرتىلدى.
مەزكۇر قارارنىڭ ئاساسسىز ئىكەنلىكى تەكىتلەنگەن باياناتتا، شۇ سەۋەبتىن رۇمىنىيەنىڭ موسكۋادا تۇرۇشلۇق ۋاقىتلىق ئىش بېجىرگۈچىسى لىلىيانا بۇردانىڭ مىنىستىرلىققا چاقىرتىلغانلىقى قەيت قىلىننىپ مۇنداق دېيىلدى:
«ئۇنىڭغا رۇمىنىيەنىڭ موسكۋادا تۇرۇشلۇق ئەلچىخانىسىدىكى بىر خادىمنىڭ <قارشى ئېلىنمايدىغان كىشى> ئېلان قىلىنغانلىقىغا دائىر تاپشۇرۇلدى.»
رۇمىنىيە ئۆز زېمىنىغا يېقىنقى كۈنلەردە ئۈچ ئۇچقۇچىسىز ھاۋا ئاپپاراتىنىڭ چۈشۈپ كەتكەنلىكىنى سەۋەب كۆرسىتىپ، بىر رۇسىيەلىك دىپلوماتنى چېگرادىن قوغلاپ چىقىرىش قارارى چىقارغان ۋە ئۇكرائىنانى داۋاملىق قوللايدىغانلىقىنى جاكارلىغان ئىدى.
