مەسئۇللارنىڭ بىلدۈرۈشىچە، مارىلاند ئىشتاتىنىڭ ئانناپولىس شەھىرىدىكى ئامېرىكا دېڭىز ئارمىيە ئاكادېمىيەسى تەھدىت ھەققىدىكى ئۇچۇرلارغا ئاساسەن كارانتىن قىلىنغان. خەۋەرلەردە بۇ ۋەقەگە سابىق بىر دېڭىز ئارمىيە ئاكادېمىيەسى ئوقۇغۇچىسىنىڭ چېتىشلىق ئىكەنلىكى ئىلگىرى سۈرۈلگەن.
ئانناپولىس شەھەرلىك ھۆكۈمىتىنىڭ پەيشەنبە كۈنى ئېلان قىلغان باياناتىدا مۇنداق دېيىلدى: «ئانناپولىس دېڭىز ئارمىيەنى قوللاش بازىسى يەرلىك قانۇن ئىجرا قىلغۇچى ئورگانلار بىلەن ھەمكارلىشىپ، دېڭىز ئارمىيە ئاكادېمىيەسىگە قارىتىلغان تەھدىت ئۇچۇرلىرىغا قارشى ھەرىكەت قىلماقتا. بازا ئالدىنى ئېلىش تەدبىرى دائىرىسىدە كارانتىن قىلىندى. يېڭى ئەھۋاللارغا قاراپ ئۇچۇر بېرىپ تۇرىمىز.»
«فوكىس خەۋەرلىرى»نىڭ خەۋىرىگە قارىغاندا، دېڭىز ئارمىيە ئاكادېمىيەسى ئوقۇغۇچىلىرى تۇرىدىغان «Bancroft Hall» دا ئوق ئاۋازى ئاڭلانغان. يەنە شۇ خەۋەردە، مەكتەپ رايونىدىكى بىر مەسئۇلنىڭ سۆزى نەقىل كەلتۈرۈلۈپ، «ھۇجۇمچى ھەربىي ساقچى قىياپىتىگە كىرىۋېلىپ، ئىشىكلەرنى چەكمەكتە» دېگەن ئىبارىلەرگە ئورۇن بېرىلدى.
