ياۋروپا كېڭىشى رەئىسى ئانتونىيو كوستا دۈشەنبە كۈنى ئېلان قىلغان باياناتىدا، ئىتتىپاقنىڭ بەششار ئەسەد تۈرۈمى يىمىرىلگەنلىكىنىڭ بىرىنچى يىللىقىنى تەبرىكلەۋاتقان سۈرىيەنى قوللايدىغانلىقىنى يەنە بىر قېتىم تەكىتلىدى.
كوستا X تە ھەمبەھرىلىگەن ئۇچۇرىدا: «ئەسەد تۈزۈمى ئاغدۇرۇلۇپ بىر يىلدىن كېيىن، سۈرىيەلىكلەر تېخىمۇ مۇقىم ۋە سىغدۇرۇشچان بىر كەلگۈسىگە قاراپ قەدەم تاشلىماقتا. ياۋروپا ئىتتىپاقى ئادالەت، يارىشىش ۋە بارلىق سۈرىيەلىكلەرنىڭ ھەق-ھوقۇقىنى مەركەز قىلغان، تىنچ ۋە سۈرىيەلىكلەرنىڭ يېتەكچىلىكىدىكى بىر مۇساپىنى قوللايدۇ» دېدى.
كوستا ئىتتىپاقنىڭ سىياسىي دىيالوگ، جىددىي ئىنسانپەرۋەرلىك ياردىمى ھەمدە سۈرىيەنىڭ ئەسلىگە كېلىشى ۋە قايتا قۇرۇپ چىقىلىشىنى قوللاش ئىرادىسىنىڭ قەتئىي ئىكەنلىكىنى جەزملەشتۈردى.
بەششار ئەسەد سۈرىيەنى تەخمىنەن 25 يىل ئىدارە قىلدى. ئۆتكەن يىلى دېكابىردا ئۇنىڭ رۇسىيەگە قېچىپ كېتىشى بىلەن، 1963-يىلىدىن بېرى ھاكىمىيەت بېشىدىكى بەئەس پارتىيەسى تۈزۈمىگە خاتىمە بېرىلدى.
سۈرىيە پىرېزىدېنتى ئەھمەد شارانىڭ يېڭى ئۆتكۈنچى ھۆكۈمىتى يانۋار ئېيىدا قۇرۇلدى.
