جەنۇبىي كورېيە پولشاغا «K2» ناملىق تانكا ئېكىسپورت قىلىش ئۈچۈن كېلىشىم تۈزۈشكە تەييارلانماقتا
سېئۇل بۇ ئاي پولشاغا 180 دانە «K2» ناملىق تانكا ئېكىسپورت قىلىش نىشان قىلىنغان ئەڭ چوڭ مۇداپىئە كېلىشىمىنى ئىمزالاشقا تەييارلانماقتا. 117 تانكا يونخاپ روتېم گۇرۇھى تەرىپىدىن ئىشلەپچىقىرىلىدۇ، قالغانلىرى پولشادىكى دۆلەت شىركىتى PGZ بىلەن ھەمكارلىق ئاساسىدا ئىشلەپچىقىرىلىدۇ.
يونخاپ خەۋەر ئاگېنتلىقىنىڭ ھۆكۈمەت مەنبەلىرىگە ئاساسلىنىپ خەۋەر قىلىشىچە، جەنۇبىي كورېيە مۇشۇ ئاينىڭ ئاخىرلىرى پولشاغا تەخمىنەن 6 ميليارد دوللار قىممىتىدىكى قوشۇمچە «K2 Black Panther» ناملىق تانكا ئېكىسپورت قىلىش ئۈچۈن مۇداپىئە كېلىشىمىنى تاماملاشقا تەييارلىق قىلماقتا ئىكەن. بۇ كېلىشىم سېئۇلنىڭ ھازىرغىچە تۈزگەن ئەڭ چوڭ يەككە قورال - ياراغ ئېكىسپورتى كېلىشىمى بولىدىكەن.
مۇداپىئە سانائىتىنىڭ بىر مەسئۇلىنىڭ ئېيتىشىچە، ئىمزا مۇراسىمىنىڭ مۇشۇ ئاينىڭ ئاخىرلىرى سەيشەنبە كۈنى پولشادا ئۆتكۈزۈلۈشى پىلانلانماقتا ئىكەن.
كېلىشىم دائىرىسىدە پولشا جەنۇبىي كورېيەدىن 180 دانە «K2» ناملىق تانكا سېتىۋالىدىكەن. بۇ تانكىلارنىڭ 117 سى جەنۇبىي كورېيەنىڭ مۇداپىئە شىركىتى يونخاپ روتېم گۇرۇھى تەرىپىدىن ئىشلەپچىقىرىلىدىكەن، قالغان تانكىلار بولسا پولشادىكى دۆلەت مۇداپىئە شىركىتى PGZ تەرىپىدىن ئىشلەپچىقىرىلىدىكەن.
داۋاملىشىۋاتقان خەۋپسىزلىك ئەندىشىلىرى
كېلىشىمنىڭ دەسلەپتە 2023-يىلنىڭ ئاخىرلىرى ئىمزالىنىشى پىلانلانغان بولسىمۇ، ئەمما ھەر ئىككى دۆلەتتىكى سىياسىي ئۆزگىرىشلەر، بولۇپمۇ جەنۇبىي كورېيەدە 12-ئايدا ئېلان قىلىنغان ۋە مۇۋەپپەقىيەتسىزلىك بىلەن ئاخىرلاشقان جىددىي ھالەت سەۋەبىدىن كېچىكتۈرۈلدى.
بۇ كېلىشىم، پولشانىڭ روسىيە-ئۇكرائىنا ئۇرۇشى سەۋەبىدىن داۋاملىشىۋاتقان خەۋپسىزلىك ئەندىشىلىرىنىڭ كۆلەڭگىسى ئاستىدا ھەربىي قابىلىيەتلىرىنى كۈچەيتىش تىرىشچانلىقلىرىنىڭ بىر قىسمى دەپ قارالدى.
2022-يىلى ۋارشاۋا جەنۇبىي كورېيە بىلەن «K2» تانكىلىرى، «K9» ناملىق ئۆزلۈكىدىن ھەرىكەتلىنىدىغان خوۋىتزېر ۋە «FA-5» يېنىك تىپلىق كۈرەشچى ئايروپىلانلىرىنى سېتىۋېلىشنى ئۆز ئىچىگە ئالغان بىرقاتار مۇداپىئە كېلىشىملىرىنى ئىمزالىدى.
