پاكىستان ئالىي سوتى سابىق باش مىنىستىر ئىمران خاننىڭ تېببىي داۋالىنىشى ئۈچۈن تۇرمە مەسئۇللىرى تەرىپىدىن بىر دوختۇرخانىغاە يۆتكىلىشىنى ۋە دېلونىڭ كېيىنكى سوتى بولغان 16-سېنتەبىرگىچە دوختۇرخانىدا قېلىشىغا رۇخسەت بېرىلىشىنى بۇيرۇدى.
ئالىي سوت ھەيئىتىدە سوتچى شاھىد ۋاھىد ۋە سوتچى نائىم ئاقتار ئافغان بىلەن سوتچى ئىشتىياق ئىبراھىم ئورۇن ئالغان بولۇپ، ھەيئەت ھۆكۈمەتكە ئىمران خاننىڭ ئادىيالا تۇرمىسىدىن تېببىي تەكشۈرۈش ۋە داۋالىنىش ئۈچۈن ئىسلامئابادتىكى شىفا خەلقئارا دوختۇرخانىسىغا يۆتكىلىشىنى بۇيرۇدى. بۇنى ئادۋوكاتى نائىم ھەيدەر پەرجۇتا سەيشەنبە كۈنى ئېلان قىلدى
ئىلتىماسلار ئىمران خاننىڭ سىڭلىسى ۋە مۇتەخەسسىس جەرراھ بولغان دوكتور ئۈزما خان بىلەن باشقا پارتىيە رەھبەرلىرى تەرىپىدىن سۇنۇلغان ئىدى. ئىلتىماسلاردا سالامەتلىكىنىڭ تۇرمىدە يامانلاشقانلىقى ۋە ئوخشىمىغان ساغلاملىق مەسىلىلىرى بارلىقى بىلدۈرۈلۈپ، دەرھال تېببىي ياردەم قىلىنىشى تەلەپ قىلىنغان ئىدى.
سوت يەنە 73 ياشلىق سابىق باش مىنىستىرنى تىببىي تەكشۈرۈش ۋە داۋالاش ئۈچۈن بىر تېببىي كېڭەش قۇرۇپ چىقىشنىمۇ بۇيرۇدى.
سوت تېببىي تەكشۈرۈش ۋە داۋالىنىش جەريانىدا دوكتور ئۈزما خان بىلەن خاننىڭ خۇسۇسىي دوختۇرى دوكتور پەيزەل سۇلتاننىڭمۇ مەۋجۇت بولۇشىنى تەلەپ قىلدى. بۇنىڭدىن باشقا مەسئۇللارغا ئىمران خاننىڭ ئائىلىسى بىلەن كۆرۈشۈشىنىڭ كاپالەتكە ئىگە قىلىنىشى كېرەكلىكىنى بۇيرىدى.
كۆپ سانلىق قانۇنىي دېلولار
پارلامېنت ئىشلىرى ئالىي مىنىستىرى تارىق پەيزەل چاۋدۇرى قارارغا ئىنكاس قايتۇرۇپ، يەرلىك تارقىتىش ئورگىنى Geo News نىڭ خەۋىرىگە بەرگەن باياناتىدا، ھۆكۈمەتنىڭ ئالىي سوت قارارىنى «ھەر بىت ھەرپىگىچە تولۇق روھى بىلەن» ئىجرا قىلىدىغانلىقىنى ئېيتتى.
چاۋدۇرى ئىمران خاننىڭ پارتىيەسىنىڭ سوتلارنىڭ ئادالىتىنى ھېس قىلغانلىقىنى ئەسكەرتتى.
چاۋدۇرى: «ئۆتمۈشتە ھەممەيلەن سوت ئارقىلىق ئازاد بولغان» دېدى ۋە ئەدلىيەنىڭ قانۇنىي چارە ۋە قويۇپ بېرىش ئۈچۈن مۇراجىئەت قىلىدىغان يول بولۇپ قېلىشنى داۋاملاشتۇرىدىغانلىقىنى ئىلاۋە قىلدى.
سابىق باش مىنىستىرغا پارتىيەسى تەرىپىدىن بىر ئىلتىماس بولمىغانلىقىغا قارىماي «مۇمكىن بولغان ئەڭ ياخشى تېببىي ئىمكانىيەتلەرنىڭ» يارىتىپ بېرىلگەنلىكىنىمۇ سۆزىگە ئىلاۋە قىلدى.
ئىمران خان بىر قانچە دېلودىكى جىنايەت ھۆكۈملىرىدىن كېيىن 2023-يىلى ئاۋغۇستتىن بۇيان تۇرمىدە ياتماقتا ئىدى.
2018-يىلى ھاكىمىيەتكە كەلگەن سابىق كرىكېتچى، ۋەزىپە مۇددىتىنى تاماملىشىغا تەخمىنەن بىر يىل قالغاندا 2022-يىلى ئاپرېلدا پارلامېنتتا ئۆتكۈزۈلگەن ئىشەنچ ئاۋازىدا ئۇتتۇرۇپ قويغان ئىدى.
شۇنىڭدىن بۇيان دۆلەت سوۋغىلىرى ۋە پارىخورلۇققا مۇناسىۋەتلىك دېلولار قاتارلىق ناھايىتى كۆپ ساندا دېلوغا دۇچ كەلدى. بەزى جىنايەت ھۆكۈملىرى توختىتىپ تۇرۇلدى ياكى ئەمەلدىن قالدۇرۇلدى. بىر قانچە ئېتىراز ئىلتىماسى بولسا ئالىي سوتلاردا كۈتۈپ تورماقتا.
