ھىندونېزىيە دۆلەتلىك ئىزدەش - قۇتقۇزۇش ئورگىنىنىڭ باشلىقى مۇھەممەد سيافىلى غەۋۋاسلارنىڭ پاراخوتنىڭ كۆزنەكلىرىنى چېقىپ جەسەتلەرنىڭ يېنىغا بارغانلىقىنى قەيت قىلدى. سيافىلى دېڭىزنىڭ تەخمىنەن 30 مېتىر چوڭقۇرلۇقىدىكى پاراخوتنىڭ ئىچىدىن 52 كىشىنىڭ جەسىتىنىڭ تېپىلغانلىقىنى، خىزمەتلەرنىڭ يەنە داۋاملىشىۋاتقانلىقىنى بىلدۈردى.
جەسەتلەر بورنېئو شەھىرىدىكى بىر دوختۇرخانىغا ئورۇنلاشتۇرۇلغان بولۇپ، كىملىكى بېكىتىلگەندىن كېيىن ئائىلە ئەزالىرىغا تاپشۇرۇپ بېرىلىدۇ.
سۇرابايادىن شەرقىي جاۋاغا قاراپ يولغا چىققان پاراخوت بىلەن بولغان ئالاقە 13-سېنتەبىر كۈنى ئۈزۈلۈپ قالغان، كېيىن پاراخوتنىڭ ئۆرۈلۈپ كەتكەنلىكى ئېنىقلانغان ئىدى. پاراخوتتىكى 108 كىشى قۇتقۇزۇۋېلىنغان، 83 كىشىنىڭ يوقاپ كەتكەنلىكى بىلدۈرۈلگەن ئىدى. 17 مىڭدىن ئارتۇق ئارالدىن تەشكىل تاپقان ھىندونېزىيەدە پاراخوتلار كەڭ كۆلەمدە ئىشلىتىلىدىغان قاتناش ۋاسىتىسى ھېسابلىنىدۇ.
